Грамматика мерить истямо наукадо, кона ёвтни кода тееви кортамось, лиякс меремс, кода теевить сынст валтнэ ды кода башка валтнэ сюлмавить кортамосонть.
Грамматикась явови кавто пельксэв: 1) вейке пельксэнть эйстэ мерить морфология. Сон ёвтни, кода теевить башка-башка валтнэ ды кода сынь полавтневить кортамосто. 2) Омбоце пельксэнть эйстэ мерить синтаксис. Те пельксэсь ёвтни, кода башка-башка валтнэ ды вал велетне (предложениятне) сюлмавить вейкест-вейкест марто ды кода сынст эйстэ тееви кортамось.
Неть кавто пелькстнэнь тонавтнемадо икеле яла савкшны кортамс истямо наукадо, кода ёвтни вайгелькстнэде. Те науканть лемезе фонетика.
Кодамо тешкссэ сёрмадовить валтнэ ды кода башка-башка валтнэ веензавить сёрмадомсто, теде корты орфаграфия, лиякс меремс правилань коряс сёрмадома наука.
Козо ды кодат лоткавтыця тешкст аравтомс сёрмадомсто, невти пунктуация. Лоткамо тешкстнэ истят:точка, запятой, кевкстема тешкс, сергедема тешкс ды лият.
Орфографиянь ды пунктуациянь тонавтнемась лезды вадрясто ловномантень ды сёрмадомантень, шождалгавты сёрмадозенть чаркодемензэ.
1. § Фонетика.
Валтнэ теевить вейке эли ламо вайгельксстэ. Мон сёрмадан сёрма вал велесэнть васенце валсонть (мон) колмо вайгелькст, омбоцесэнть (сёрмадан) кавксо вайгелькст, колмоцесэнть (сёрма) вете. Эрьва валонть ули эсензэ чаркодемазо.
Валгельксэнть эли вейс сюлмазь вайгелькстнэнень, конатнень ули кодамояк чаркодемаст, мерить вал.
Вайгелькстнэнь ёвтамсто минь тевелявтнэстэ тулкадтяно кошт. Коштось тевелявтнэстэ моли кирга парьга ды курго потмова. Кирьга парьсэ улить вайгель сант. Соракадындеряйть коштонь ётамсто вайгель сантнэ, маряви вайгель. А соракадындеряйть вайгель сантнэ, а ули вайгельгак. Вайгель марто эли вайгельтеме коштось яла юты лексема кирга парьстэ курго потмова эли судонь пачк. Кургосонть коштось юты истя эли лиякс аравтозь келенть велькска: лиясто келесь токавтозь версе пейтненень, лиясто кель куншкась эли кель песь токавтозь курго менельс. Кургосто лисемстэ коштось юты истя эли лиякс аравтозь турватнень юткова. Турватне лиясто венстевить икелев, лиясто тетькевить кавтов, лиясто сювордавить. Тень кувалт теевить эрьва кодат вайгелькст.
2 §. Кодат эрсить вайгелькстнэ.
Вайгелькстнэ явовить кавтов: моравикс ды а моравикс вайгелькст. Моравикс вайгелькстнэнь ёвтамсто кургось панжови седе келейстэ, конат-конат а моравикс вайгелькстнэнь ёвтамсто савкшны сювордамс кортамо органтнэнь. Сайтяно пример: п вайгельксэнть ёвтамсто сювордавить турватне, т вайгельксэнть ёвтамсто кель прясь кеместэ нежеди пейтненень ды лият. Моравикс вайгелькстнэнь ёвтамсто истя теемс зярдояк а савкшны.
3 §. Моравикс вайгелькст.
Эрзянь кельсэ моравикст вайгелькстнэ истят: а, э, ы, и, й, о, у; й вайгельксэсь аштекшны моравикс вайгелькстэ мейле (койме, ой, пой, килей), эли моравикс вайгельксэнть икеле; сестэ й вайгельксэсь ды мельганзо молиця моравикс вайгельксэсь тешкставить вейке буквасо.
1. й + а таркас сёрмадыть вейке буква - я
(якамс, ям, ялга, каямс).
2. й + о таркас сёрмадыть вейке буква ё
(ёмавтомс, ёнсто, ёнкс).
3. й + у таркас сёрмадыть вейке буква - ю
(юводомс, юдма).
Й + э таркас сёрмадыть вейке буква - е.
Моравикс вайгелькстнэ аволь вейкетьстэ лисить секс, што ёвтамостост аволь вейкетьстэ кепедеви келесь курго менелентень, аволь вейкетьстэ аравтневить турватне, седе пек эли аволь пек панжнесынек кургонть. О вайгельксэнть ёвтамсто турватне венстевить икелев, и вайгельксэнть ёвтамсто турватне а венстевить, тесэ келесь кепедеви седе верев курго менелентень. Те таблицастонть неяви, кода аштить турватне ды келесь моравикс вайгелькстнэнь ёвтамсто.
И - апак венстть - кепедезь курго менелень икельксэнтень
Ы - апак венстть - кепедезь курго менелень куншкантень
У - венстезь - кепедезь курго менелень удалксонтень
Э - апак венстть - кепедезь (и вайгельсэнть коряс седе а ламодо) курго менелень икельксэнтень
О - венстезь - кепедезь (у вайгельксэнть коряс седе а ламодо) курго менелень удалксонтень
А - апак венсть - кепедезь (о вайгельксэнть коря седе а ламодо) курго менелень удалксонтень
4 §. А моравикс вайгелькст.
А мравикс вайгелькстнэнь ёвтамсто кургось панжови моравикс вайгелькстнэнь меремаст коряс седе седе аволь пек; теде башка, коштось курго потмова ютамсто лоткавтови эрьва мезесэ: курго менельс токазь кельсэнть, сювордазь турватнесэ ды лиясо.
А моравикс вайгелькстнэ ськамост ёвтавить истя: курго потсо коштось токи кеместэ сювордазь органтнэнень (версе ды алсе турватненень, келентень ды пейтненень, келентень ды курго менелентень), лавшолгавтомстост сезема ладсо маряви вайгельксэсь; п, т, к кондят вайгелькстнэ а моравить, сынст савкшны ёвтамс ниркинестэ - секс сыненст мерить ниркинестэ ёвтавикст.
Лия а моравикс вайгельксэнь ёвтамсто коштось ёзавозь юты плотнасто сювордазь органтнэнь юткова (курго менеленть ды келенть юткова, келенть ды вере пейтнень ды ало турватнень юткова). Истят вайгелькстнэде (х, с, в) мерить кувакасто ёвтавикст.
Ниркинестэ ды кувакасто ёвтавикс а моравикс вайгелькстнэ весе явовить кавтов: нетнеде, конат ёвтавить санонь сорновозь - мерить гайниця вайгелькст (д, ж, з); нетнеде, конат ёвтавить вайгель санонь апак сорно - мерить а гайниця вайгелькст (т, ш, с); д, з, л, н, р, с, т, ц - а моравикс вайгелькстнэ ёвтавить чевтестэ ды калгодосто.
Примерт: сод - сэдь, кардаз - ривезь, кал - каль, вакан - сапонь, тус - сёксь, татай - тетяй, вецана - цянав.
5 §. Кода тешкстамс сёрмадомсто а моравикс
вайгельксэнть чевтестэ ёвтамонзо.
Валонть песэ ды валонть куншкасо а моравикс вайгелькстнэнь чевтестэ ёвтамост тешкстави чевте тешкссэ (кал - каль). Моравикс вайгельксэнь икеле аштиця а моравикс вайгелькстнэнь чевтестэ ёвтамост тешкстави я, ё, ю, е, и буквасо (кона - коня, сокс - сёксь, тумо - Тюма, сэкс - секс).
Валонть песэ ды валонть куншкасо чевте тешкс эряви путнемс вана кодат правилань коряс:
а) бути валонть песэ а моравикс буквась маряви чевтестэ, сондензэ мейле эряви путомс чевте тешкс, примеркс: карь, ломань, столь;
б) зярдо валонть куншкасо а моравикс буквась ёвтави чевтестэ ды мельганзо молицятне аволь чевтеть, сестэ те чевте букванть эряви тешкстамс чевте тешкссэ, примеркс: варьга, мельга, ванькс;
в) бути валсонть рядс аштить кавто эли седе ламо а моравикс букват, конатне вясе марявить чевтестэ, сестэ чевте тешкс эряви путомс ансяк остатка чевтестэ ёвтавиця а моравикс буквадонть мейле, икелензэ аштицятне чевтемтить вейке чевте тешкссэ (эли мельгась молиця чевтемтиця моравикс буквасонть), примеркс: розть, кансть, петни;
г) чевтестэ марявиця л буквадонть мейле свал эряви путнемс чевте тешкс, примеркс: кальть, кельме;
д) бути с вайгельксэсь ашти к вайгельксэнть икеле ды маряви чевтестэ, сестэ сёрмадомсто с букванть мельга эряви путомс чевте тешкс, примеркс: сеське, уське, коське.
6ç. Гайниця ды а гайниця а моравикс
вайгелькстнэнь видестэ сёрмадомаст.
Гайниця а моравикс вайгелькстнэ а гайницятнеде мейле ёвтавить истя жо, кода а гайницятне.
Неть случайтнестэ эряви полавтомс валонть истя, штобы аволь парсте содавиця а моравикс буквась аравтоволь моравикс эли гайниця буквадо икеле, сестэ парсте содави а моравиксэсь.
Пример: - кардт - кардо, шужт - шужонь, розть - розень.
7ç. Вал талика.
Валонь меремстэ коштось тевелявстонок лиси апак лотксе, сон лиси тулкадезь, а ломань а ломань. веенст валтнэ ёвтавить вейке тулкадемасо, лият кавтонь-кавтонь, колмонь-колмонь эли седеяк ламо тулкадемасо. Аравтындерятано кортамсто кургонть каршо кирвастезь шта тол, нейсынек, што валтнэнень меремстэ тол келесь карми комсеме лиясто ламоксть, лиясто а ламоксть. Ве валонь ёвтамсто тевелявсто лисиця коштось тулкадеви зняроксть, зяро валсонть моравикс вайгелькстнэ. Ниркине оев валонть меремстэ коштось тулкадеви зняроксть, зяро валсонть моравикст вайгелькстнэ. Ниркине оев валонть меремстэ коштось тулкадеви зняроксть, зяроксть сон тулкадеви кувака трактор валонть меремстэ (кавксть). Мейс истя? Секс, што кавонест валтнень эйсэ моравикс вайгелькстнэ кавтонь-кавтонь. Валсонть се пельксэнть эйстэ, конань лангс сави коштонь вейке тулкадема, мерить вал талика.
Эрьва валсонть улить зняро вал таликат, зяро эйсэнзэ моравикст вайгелькст. Трактор валсонть кавто моравикс вайгелькст а ды о. секс эйсэнзэ кавто вал таликат: трак-тор.
Вал таликань коряс валтнэ эрсить ве вал таликань валт, кавто вал таликань валт, колмо вал таликань валт, ды ламо вал таликань валт.
Й вайгельксэсь эрьва зярдо ёвтави ве лувсо маласонзо аштиця моравикс вайгельксэнть марто (кой, пой, ой, лей, койме). Коштонь башка тулкадема сонензе а эряви. Вал таликатнень ловомсто й вайгельксэнть эряви ловомс вал таликань а теиця моравикс вайгельксэкс.
8ç. Моравикс букватнень сёрмадомаст.
Аравтындерясынек рядсек истят валтнень: сэнь - сень, пизэ - пазе, сэльге - сельге, минь нейсынек, што э ды е вайгелькстнэде мейле молиця а моравикс вайгельксэсь маряви аволь вейкетьстэ. Э буквадонть мейле а моравикс буквась ловнови калгодосто, е буквадонть мейле - чевтестэ.
Штобу сёрмадосто а човоргавтомс э ды е букватнень, эряви содамс:
а) бути аволь парсте содавиця моравикс вайгельксэнть икеле а моравикс вайгельксэсь маряви калгодосто, сестэ эряви сёрмадомс э, примеркс, калнэ, зэрни, сэря;
б) бути парсте содавиця моравикс вайгельксэнть икеле а моравикс вайгельксэсь маряви чевтестэ, сестэ эряви сёрмадомс е, примеркс, кальне, зепе, сельме.
9ç. Вал вачкодема.
Улиндеряйть валонть эйстэ кавто эли кавтодо ламо вал таликат, ве вал таликась ёвтави седе виевстэ лия вал таликатнень коряс. Вейке вал таликань седе виевстэ ёвтамодонть мерить вал вачкодема. Вал таликадонть, конань лангс пры вал вачкодемась, мерить вал вачкодема марто вал талика. Лиятненень мерить вал вачкодемавтомо вал таликат.
Эрзянь кельсэ эрьва кодамо валсо вал вачкодемась аравтови эрьва кона вал таликанть лангс, теде валонть чаркодевксэзэ а лиякстоми. Сайсынек содаса валонть. Сон ёвтави колмо ладсо: содаса, содаса, содаса. Кода илить полавтне вал вачкодематнень таркаст - содаса валось таго кадови теке чаркодемасонть. Эрсить истят валт, конатнень лангс вал вачкодемась пры кавксть. Улить вал вачкодемавтомо валт (вал велесэ).
Найман веле. Найман веле.
Омбоце веле валось кадовсь вал вачкодемавтомо. Эряви содамс эщо вана мезе. Неке валтнэнь эрзякс можна ловномс лиякс-лиякс. Сайтяно пример.
Вердине верде,
Прок суре вельде,
Чуро пиземе,
Покшке петнявкске,
Пургси модантень,
Мастор чамантень...
(Илька Морыця «Цярахман»).
Карматано те моронть ловномонзо. Ловномсто тешкстасынек вал вачкодема марто таликатнень истямо тешкссэ (:), вал вачкодемавтомотнень истямосо (;). Лиси вана мезе:
:Вер ;ди ;не :вер ;не,
:Порк ;су ;ре :вель ;де,
:Чу ;ро ;пи :зе ;ме,
:Покш ;ке ;пет :нявкс ;ке,
:Пург ;си ;мо :дан ;тень,
:Мас ;тор ;ча :ман ;тень...
Ней лиякс ловносынек те моронть. Полавтсынек вал вачкодематнень таркаст, лиси вана мезе:
;Вер ;ди :не ;вер ;де,
;Прок ;су :ре ;вель ; де...
Ней секе морось ловнови лиякс. Ловнома ладозо сонзэ лия. Чаркодемазо яла теке сонзэ а лиялгады.
Эрзянь кельсэ сёрмадозь моротне ловновить эрьва ладсо.
Лия кельсэ истя а эрси. Вал вачкодемань коряс эрзянь кондят кельть арасть.
10ç. Вал веле.
Кортамсто ломанесь ёвтни лия ломаннень эсь арсеманзо. Арсемась листо ёвтави вейке валсо (якшамо, лембе, азё, кудосонзоль), лиясто - кавто, колмо ды седе ламо валсо. (Колхозось роботы. Якстере армиясь киненьгак а изняви).
// Вейке эли ламо валсо чаркодевикстэ ёвтазь ды прядозь арсемадонть, мерить вал веле.
Кортамсто свал содави, косо прядови вейке вал велесь ды ушодови омбоцесь: эрьва вал веленть песэ вайгелесь а ламодо пры алов ды карми марявомо седе эчкестэ; вейке вал велень прядоманть ды омбоце вал велень ушодоманть ютксо эряви лоткамс. Те лоткамодонть мерить пауза. Эрьва вал велесэ валтнэ сюлмавить вейке вейкезэст сеньсэ, што сынь кортыть вейкеде. Валтнэнь эйсэ сюлмить вейс валонь петне, вал меелькстнэ ды сюлмиця валтнэ. Вал велесэ валтнэнь сюлмавомась весемеде вадрясто невтеви кевкстемань кувалт. Сайтяно истямо вал веле: Эрзя-мокшонь колхозниктнэ сокить эсь паксяст тракторсо. Мезень кувалт корты те вал велесь? Эрзя-мокшонь колхозниктнэнь кувалт. Мезе корты вал велесь колхозниктнэде? Колхозниктнэ сокить. Мезе сокить колхозниктнэ? Эсь паксяст. Мейсэ сокить колхозниктнэ? Тракторсо.
// 1. Се вал веледенть, конасо ломанесь ёвтни мезеяк, мерить ёвтнема вал веле. Ёвтнема вал веленть ёвтамсто песэнзэ вайгелесь пры а ламодо алов.
Сайтяно истямо вал веле: «Якстере теште» колхозось ушодызе видеманть весемеде икеле.
// 2. Се вал веледенть, конасо ломанесь мезеяк кевксти, мерить кевкстема вал веле.
Сайтяно истямо вал веле: ули арась Саран ошсо электростанция?
// 3. Се вал веледенть, конасо ули кодамояк сергедема (кецямо, тандадома, кеж), мерить сергедема вал веле.
Сайтяно истямо вал веле: Кодамо маней чись! Кодамо мазы пургине чиркесь! Вай эль ваян!
Вал велень валтнэнь ютксо свал эрси истямо вал, конань лангс кортыцясь бажи лоткавтомо кулсоныцянть мелензэ. Те валось мереви седе виевстэ лия валтнэнь коряс.
Истя седе виевстэ ве валонь ёвтамодонть мерить логикань вал вачкодема.
Сайтяно истямо вал веле: Кона бридась течи сокась весемеде ламо - васенцесь эли омбоцесь? Омбоце бригадась течи сокась седе ламо.
Омбоце бригадась течи сокась весемеде ламо? Омбоце бридась течи видсь седе ламо. Омбоце бридась сокась весемеде ламо течи эли исяк? Омбоце бригадась течи сокась весемеде ламо. Омбоце бридась сокась течи весемеде ламо эли весемеде а ламо? Омбоце бридась течи сокась весемеде ламо.
Ниле аволь вейкеть кевкстематнень каршо сави пшкадемс вейке вал велесэ. Ансяк вейке пшкадеманть эйсэ логикань вал вачкодемась пры яла лия вал лангс.
11.ç Лоткамо тешкст вал велетнень песэ.
// 1. Ёвтнема вал веленть пес эряви путомс точка. Минь мольтяно паксяв.
2. Кевкстемавал веленть пес эряви путомс кевкстема тешкс. Косолить?
3. Сергедема вал веленть пес эряви путомс сергедема тешкс. Шумбрат парт Мокшэрзянь Республикантень!
4. Апак прядовт вал велетнень пес путнить ламо точкат.
Сайтяно истямо вал веле: Минь тов... тосо кияк арась.
12. ç Подлежащей ды сказуемой.
Се валонетнь, кона невти, мезде кортыть вал велесэнть, мерить подлежащей. Сон пшкади истямо кевкстемань каршо: кие? мезе? эли мезесь? Сайтяно истямо вал веле: Бригадирэсь тусь паксяв. Кие тусь? Бригадирэсь (подлежащей). Трактор зэрни паксясо. Мезэ зэрни? Трактор. Коллективсэ роботамось вадря. Мезесь вадря? Роботамось.
Се валонть эйстэ, кона невти мезе теи подлежащеесь, эли мезе тееви мартонзо, кодамо подлежащеесь эли мезе сон истямо, мерить сказуемой.
Сайтяно истямо вал веле: Ударникесь парсте роботы. Мезть тейни ударникесь? Роботы. Таймаскадсть виртне. Урозкадсть паксятне. Мезе теевсь виртнень марто? Сынь урозкадсть (сказуемой). Телень весь кувака. Кодамо телень весь? Кувака (сказуемой). Пици палаксось - касовкс. Мезе истямо пици палаксось? Касовкс (сказуемой).
13. ç Чаркодевтиця валт.
// Подлежащейденть ды сказуемойденть башка вал велесэ сеедьстэ эрсить истят валт, конат тейсызь вал веленть седе чаркодевиксэкс. Неть валтнэде мерить чаркодевтиця валт.
Сайтяно истямо вал веле: Минек колхозниктнэ капшазь ардыть паксяв. Кодат колхозниктнэ? Минек (чаркодевти подлежащеенть). Кода ардыть? Капшазь (чаркодевти сказуемоенть). Ков ардыть? Паксяв (таго чаркодевти сказуемоенть).
Лия валтнэнь марто сюлмавомань кис чаркодевтиця валтнэ аравтовить эрьва кодамо поладкассо:
Примерт:
сёрма сёрмадомс
тикше ледемс
пелюма чавомс
_________________
Чаркодевтиця лем валтнэ аравтозь васенце поладкассо.
сёрмадомс порсо
керемс узересэ
ледемс пелюмасо
___________________
Чаркодевтиця лем валтнэ аравтозь ветеце поладкассо.
сазоронь пацязо
колхозонь паксязо
совхозонь кудозо
___________________
Чаркодевтиця лем валтнэ аравтозь омбоце поладкассо.
// Вейкест-вейкест эйс валтнэнь истя сюлмавомадонть мерить вал ветямо.
Чаркодема валонтень мерить ветиця вал, чаркодевтиця валонтень - ветямо вал.
Зядо чаркодевтиця валось ашти ве поладкассо ды ве числасо лия лем марто, не валтнэде мерить ладязь валт.
Подлежащейденть, сказуемойденть ды чаркодевтиця валтнэде мерить вал велень пелькст.
Подлежащеесь ды сказуемоесь - вал велень прявкс пелькст. Чаркодевтиця валтнэ - вал велень прявкс пелькст. Чаркодевтиця валтнэ - вал велень омбоць пелькст.
Вал велентень, конасо улить ансяк вал велень прявкс пелькст, мерить а келей вал веле.
Вал велентень, конатасо улить прявкс пелькстнэде башка омбоць пелькст, мерить келей вал веле.
Эрзянь кельсэ эрсить ламо истят вал велеть, конат ёвтазь ве валсо. Сайтяно истят вал велеть.
Кудосонзолинек.
Колхозсолиде.
Неть вал велетне ёвтазь ве валсо. Яла теке чаркодемаст ламо валонь кондямо. Неть ве валсо ёвтазь вал велетне вейкеть ламо валсо ёвтазь вал велетнень марто. Бригадасонзолинек - минь ульнинек сонзэ бригадасо.
14. ç Пешксе ды а пешксе вал велеть.
Зярдо вал велетне молить вейке омбоце мельга, вастовкшныть истят вал велеть, конатнесэ апак ёвта эли подлежащеесь эли сказуемоесь эли эрявикс чаркодевтиця валось.
Сайтяно пример. Течи Миша сакшнось велев. Тесэ неинзе аванзо ды ялганзо. Омбоце вал велесэнть подлежащеесь (Миша) арась.
Кие сась: тетям эли лелям? Лелят. Омбоце вал велесэнть арась сказуемоесь (сась).
Миненек макссть якстере ды сэнь карандашт. Лиятненень макссть ансяк якстереть. Омбоце вал велесэнть арась чаркодевтиця валось (карандашт).
// Косо апак ёвта подлежащеесь эли сказуемоесь, истямо вал веледенть мерить а пешксе вал веле. Вал веледенть, конасо улить подлежащей, сказуемой ды весе эрявикс лездыця валтнэ, мерить пешксе вал веле.
А пешксе вал велекс сеедьстэ эрсить кевкстемань каршо отвечамо вал велеть.
Сайтяно примерт.
Кие юты? - Бригадир.
Поездэсь тусь? Тусь.
Косо эрятадо? Саран ошсо.
15. ç Сказуемойтне вал велеть.
А пешксе вал велетнень марто а эряви човоргавтомс сеедьстэ вастневиця сказуемойтне вал велетнень.
Сайтяно пример. Ве. А куш а каш косояк. Васенце вал велесэнть арась сказуемой ды мелезэтькак а леди сон.
// Истят вал велетнеде мерить сказуемотеме вал велеть.
Сказуемойтеме вал велекс аштить книгань, газетань, таблицань ды лиянь мезень лемть.
Сайтяно примерт.
Куликовский, М. «Михалка».
Лукъянов, «Кинель».
Чесноков, «Тетяка левкс».
Микул Эркай, «Корёнтнэ наксадсть».
Илька Морыця, «Якстере армия».
Радин, «Ранги лей».
Куторкин (Ёндол), «Эрямо кикс».
Артур Моро, «Весь валдомс».
Раптанов, «Татю».
Зиньков, «Эрямос совамо».
Кириллов, «Саран ош».
16. ç Подлежащей марто ды подлежащейтеме
вал велеть.
Сеедьстэ эрсить истят вал велеть, конатнесэ подлежащеесь арась ды а муевияк маласонзо аштиця вал велетнесэ.
Сайтяно пример. Ашолгады. Бригадась кармась сыргамо паксяв.
Васенце вал велесэнть тевень теицясь арась, арась подлежащеесь.
Истят вал велетнеде мерить подлежащейтеме вал велеть.
Вал велетнеде, конатнесэ ули подлежащей эли сонзэ улемазо шождынестэ чаркодеви, мерить подлежащей марто вал велеть.
Сайтяно таго кавто примерт.
Калт ульмсить ульмасо.
Колхозсо сокить тракторсо.
Кие ульмси, кие соки - аздави. Аволь ве ломань соки, ламот сокить.
Истят вал велетнеде истя жо мерить подлежащейтеме вал велеть.
17. ç А явовикс вал веле ды явовикс вал веле.
Листо кавто эли седе ламо арсемат малацек сюлмавить эсь ютковаст, сынст эйстэ тееви вейке сложной арсема. Те сложной арсемась ёвтави вейке вал велесэ, кона явови кавто эли седе ламо пельксэв. Неть пелькстнэнь улить эсест подлежащеест ды сказуемоест.
Эрьва пельксэсь башка саезь сонсь тееви прядозь вал велекс.
Сайтяно примерт. Мокшэрзянь АСС Республикасто пачкодсть паро кулят: тундонь видематне прядовсть шкадо икеле. Те вал велесь шождынестэ явови кавтов (кавто вал велес):
1) Мокшэрзянь АСС Республикасто пачкодсть паро кулят.
2) Тундонь видематне прядовсть шкадо икеле.
// Истят вал велетнеде, конат шождынестэ явовить кавтов эли колмов, мерить явовикс вал велеть.
Неть вал велетнеде, конат а явовить башка вал велекс, мерить а явовикс вал велеть.
Примерт. Книгась ашти столь лангсо.
Те вал велесь кодаяк а явови кавто вал велес.
ВАЛОНТЬ ПЕЛЬКСЭНЗЭ.
18. ç Валонть лувозо ды пезэ.
Эрьва валось лиякстомстонзо явови кавтов. Сонзэ вейке пельксэзэ кадови а полавтневицякс, омбоцесь полавтневи.
Сайтяно истят валт ды карматано полавтнемест:
кудо
кудо-нь
кудо-нень
кудо-со
кудо-сто
кудо-в
1) Апак полавтне кадови кудо.
сок-ан
сок-ат
сок-и
сок-атано
сок-атадо
сок-ить ды лият
Апак полавтне кадови сок.
// Истямо а полавтневиця валонь пельксэнтень мерить лув (основа).
Валонь полавтневиця пельксэнтень мерить вал пе.
Валонь песь ашти вал велень валтнэнь ютксо сюлмокс (пакшатне ловныть; карандашсо эряви сёрмадомс).
Валонть полавтнемстэ лувось эрзянь кельсэ а полавтневи. Од валонь теемстэ тееви од валонь лув; те лувось валонь полавтнемстэ таго а полавтневи. Сайсынек примеркс сёрмадомс валонть. Эйсэнзэ лувось ули сёрмад. Те лувось сёрмадомс валонть полавтнемстэ зярдояк а полавтневи. Саиндерятано од вал сёрмалемс, сонзэ лувозо карми улеме сёрмал, те од лувось сёрмалемс валонь полавтнемстэ таго а полавтневи.
Сайтяно примерт.
Сёрмадомс
1. сёрмад-ан
2. сёрмад-ат
3. сёрмад-ы
4. сёрмад-тано
5. сёрмад-тадо
6. сёрмад-ыть
Сёрмалемс
сёрмал-ян
сёрмал-ят
сёрмал-иъ
сёрмале-тяно
сёрмале-тядо
сёрмал-ить
Валонь лувонть а полавтневемазо эрзянь келень орфаграфиясонть ашти главной правилакс.
Штобу видестэ сёрмадомс валонть, эряви валонь лувонтень педявтомс валонь пенть, кона тееви валонть эрьва кодамо формасо аравтомстонзо.
(Ваныть икеле невтезь примертнэнь).
Бути ванномс смыслань ды вайгельксэнь кувалт эсь ютковаст малацек аштиця лувтнэнь, неть аволь вейкеть лувтнэсэ можна муемс вейсэнь пелькс. Примеркс: куд-о, куды-не (вейсэнь пельксэсь - куд).
Истят вейсэнь пелькстнэде мерить валонь юр.
А эряви човоргавтомс лувонть марто валонть юронзо. Вейке лувсо лиясто эристь кавто юрт. Сайсынек примеркс ведьгев валонть. Те валсонть кавто юрт - ведь ды гев (кев). Лувось те валонть эйсэ вейке (ведьгев).
Лувонь примерт:
ваномс (лувось ван)
ванномс (лувось ванн)
ванстомс (лувось ванст)
ванкшномс (лувось ванкшн)
вановтомс (лувось вановт).
Весе неть валтнэнь аволь вейкеть чаркодемаст. Эрьва валонть эсензэ вал лувозо. Яла теке сыньсэст ули истямо вал талика («ван»), конань минь мусынек весе неть валтнэсэ.
Сайтяно эщо пример:
поладомс (лувось полад);
полалемс (полал)
полавтомс (полавт)
полавтовтомс (полавтовт)
поладокшномс (поладокшн).
Те вал лувонь сюлмонть юрокс ашти пола.
Суффикс мерить валонь се пельксэнтень, кона ашти юр марто вал пенть ютксо.
Пола-л-емс валсонть юрось карми улеме пола, песь - емс, суффиксэсь - л.
Сайтяно примерт.
(Цела валось) полалемс; лув: (юр) пола, (суффикс) л; (пе) емс
(Цела валось) поладомс; лув: (юр) пола (суффикс) д; (пе) омс
(Цела валось) полавтомс; лув: (юр) пола (суффикс) вт; (пе) омс
(Цела валось) полавтовтомс; лув: (юр) пола (суффикс) втовт; (пе) омс
(Цела валось) поладокшномс; лув: (юр) пола (суффикс) докшн; (пе) омс
Кудо (лувось кудо) - кудыне (лувось кудыне).
Пизэ (лувось пизэ) - пизыне (лувось пизыне).
Веле (лувось веле) - велине (лувось велине).
Суффикстнэ тешкстыть валонть лия чаркодеманзо.
19. ç Кода теевить од валтнэ.
Эрямось яла моли икелев. Мастор ланксо яла появить эрьва кодат од чаркодемат. Неть чаркодематненень эряви путомс лемть. Лемень путомань кис кельсэнть теевить од валт, эли сайнесызь сынст аноксто лия кельстэ. Лия кельстэ валонь саемантень лездыть мастор лангонь народтнэнь юткова вейкест-вейкест туртов якамосьды вейкест-вейкест марто экономикань, политикань ды культурань тевень ветямось. Мертяно, кодамояк лия масторсто усксть минек масторов од машина. Кодамо лем путомс машинантень? Весемеде шождыне кадомс секе лементь, конань путызь сонензэ шачома масторсонзо. Лия кельстэ весемеде ламо саевить истят валт, конатнень эйсэ сави кортамс техникадо ды наукадо. Неть валтэ чарькодевить эрьва кельсэ, неть валтнэ аштить мастор лангонь келес (телеграф, телефон, аэроплан, трактор, комбайн, авиация, социализма, материализма, революция). Эрзянь кельсэяк сынь аштить чаркодневикс валокс. Октябрянь рреволюциядонть мейле конат-конат рузонь валтнэ теевить весе масторонь валокс (большевик, совет, рабфак, пятилетка, кулак ды лият). Рузонь ламо валт совавтозь эрзянь келентень, неть валтнэ теевить эрзянь келень валокскак (сеялка, жнейка, колхоз, совхоз ды лият).
Эщо теевить од валт неть валтнэстэ, конат уш ульнесть. Истя од валтнэ теевить эрьва кодат суффикс вельде.
Пример: сур- суркс (суффиксэсь кс), атя - атякш (суффиксэсь кш), ава - ававт (суффиксэсь вт).
20. ç Вейс путозь валт.
эрзянь кельсэ улить истят валт, конат теевсть кавто эли седе ламо валсто, примеркс: ведьгев, товзюро, васоньбеельть.
Вейс путомсто валтнэ нирькалгавтовить (кудава, кудыкелькс, седекиле), лиясто кадовить истя, кодат сынь ульнесть башка-башка валокс (кудо пря, авака кудо нумоло, од ава лопа, розь ава). Кудава валсонть кудо валось нирькалгавтовсь, эйстэдензэ прась о вайгельксэсь. Седикеле валстонть прась е (седе) вайгельксэсь.
Истят вейс путозь валт эрзянь кельсэ пек ламо.
Мастор лангонь келес войнанть шкане ды, седеяк пек Октябрянь революциядонть мейле, эрзянь кельсэ истя жо, кода Советэнь союзонть келес весе кельтнесэ, теевсть вейс путозь ламо валт. не валтнэ ансяк теевить аволь вейкетьстэ.
1. Улить валт, конат теевсть ламо валонь васенце вайгелькстнэстэ (вуз, рик, ТАСС).
2. Улить валт, конат теевсть ламо валонь васенце сёрмадома букватнень лемест вейс путомасо (СССР - эс-эс-эс-эр, МТС - эм-тэ-эс).
3. Улить валт, конат теевсть ламо валонь васенце вал таликань вейс путомасо (Нар-ком, Ко-со-мол, кол-хоз, сов-хоз, обл-испол-ком).
4. Улить истят валт, конат теезь васенце вал таликань ды цела валонь вейс путомасо (стен-газета, вель-совет).
5. Лиясто истят валтнэ вейс путовить вере невтезь способтнэнь човоргавтозь (ТатЦИК).
Неть валтнэ теевить кортамсто шкань ванстомань кис. Сёрмадомсто шкань ды конёвонь ванстомань кис.
21. ç Вейс путозь валтнэнь сёрмадомаст.
1. Бути вейс путозь валтнэстэ конаськак нирькалгавтозь, кавонест валтнэнь эряви сёрмадомс вейсэ (кудава, латалкс, пандалкс, кудыкелькс ды лият.)
2 Апак нирькалгавт валтнэ сёрмадовить башка-башка (авака кудо нумоло, пандо пря, кудо потмо, кши паморькс).
3 Улить валт, конатнень сёрмалесызь аволь те правиланть коряс. Неть валтнэ истят:
ведьгев
товзюро
ёндол
васоньбеельть
течи
кансёро
вайгельбе
4. Васенце буквасто вейс путозь валтнэнь эряви сёрмадомс покш буквасо, зярдо валтнэсэ путозь лем ансяк мезненьгак вейкенень (ТАСС, ЦИК), путовиндеряй лемесь ламонень (вуз, рик), эряви сонзе сёрмадомс вишкине буквасо.
5. РСФСР, НКП, ОНО, РКИ кондят валтнэнь эряви сёрмадомс покш буквасо.
Кортамо пелькст.
Валтнэ, конатнестэ теевить вал велетне, чаркодемань кувалт явовить группань-группань. Веенст валтнэ невтить предметэнь лемть (чувто, столь, конёв), омбонст - предметэнь качестват (якстере, виев, сэрей), колмонстнэ - предметэнь действият (молемс, теемс, кортамс) ды лият.
Неть группатнеде мертяно кортамо пелькст.
Эрзянь кельсэ ловить вейксэ категориянь валт:
1) предметэнь лем валт; 2) признаконь лем валт; 3) ловома лемть; 4) лем полавтовкст; 5) теемань валт; 6) наречият; 7) союзт; 8) вал меелькст; 9) ёжо валт.
Васенце кото категориянь валтнэ эрсить вал велень пельксэкс. Союзтнэ лездыть сюлмамост эсь ютковаст вал велень пелькстнэнь, истяжо цела вал велетненьгак (комбайнась ве шкане нуи ды пивсы; тон сёрмадат, а сон ловны).
22. ç Предметэнь лем валт.
// Предметэнь лем валось - истямо вал. Кона невти предметэнь лем. Предметэкс ловтано эрьва кодат вещть (книга, кудо, машина); животнойть (лишме, нумоло, реве), явленият (валдо, пургине, кецямо), событият (революция, туема, само). Предметэнь лем валтнэнь кевкстемаст: кие? мезе?
Предметэнь лем валтнэ вал велесэ эристь подлежащейкс, сказуемойкс ды чаркодевтиця валокс.
Бригадир тусь. Тесэ бригадир валось - подлежащей.
Лелям - бригадир. Тесэ бригадир валось - сказуемой.
Лелянь кочкизь бригадиркс. Тесэ бригадирокс валось ашти лездыця валокс.
Лем валтнэнь пест полавтневить поладксонь кувалт. Пример: ули школа, школань директор, школанень лездамс, школасо тонавтнить.
Поладксонь кувалт полавтнемадо башка, лем валтнэ полавтневить эщо числань кувалт сень коряс, лем валось невти вейке эли ламо предметт (ломань - ломанть, пакся - паксят).
Лем валтнэнь поладксонь кувалт полавтнемадост мерить поладкстома.
Аволь весе лем валтнэ полавтневить числань кувалт. Улить истят лем валт. конат аштить ансяк вейкень числасо (Рав). Улить истяткак, конат аштить ансяк ламонь числасо (васоньбеельть).
23. ç Предметэнь лем валтнэнь поладкстомаст.
Эрзянь кельсэ улить кавто формань поладкстомат.
Лиясто сави кортамс. Мертяно, кудодо, аволь кодамояк те кудодонть, сави кортамс кодамояк кудодо. Сестэ минь карматано кортамо: кудо, кудонь, кудонень.
Те карми улеме апак невтть поладкстома.
Лиясто кортатано кудодо, конань минь содасынек, конань невтьсынек. Сестэ минь мерятно: (кудось, кудонть, кудонтень, кудодонть ды лият). Истямо поладкстомадонть мерить невтезь поладкстома.
Апак невть поладкстома:
кудо - кудот
кудонь
кудонень
Невтезь поладкстома:
кудось - кудотне
кудонть - кудотнень
кудонтень - кудотненень.
Эрзянь кельсэ 10 поладкст:
Поладкстнэнь лемест.
1. Именительной; кевкстемат: кие? мезе? кить? мезть?
2. Родительной; кевкстемат: кинь? мезень?
3. Дательной; кевкстемат: кинень? мезнень?
4. Отложительной; кевкстемат: киде? мезде?
5. Местной; кевкстемат: кисэ? мезесэ?
6. Исходной; кевкстемат: кистэ? мезестэ?
7. Вносительно; кевкстемат: кис? мезес?
8. Превратительной; кевкстемат: кикс? мезекс?
9. Сравнительной; кевкстемат: кишка? мезешка?
10. Изъявительной; кевкстемат: кивтеме? мезевтеме?
Апак невть поладкстома.
Вейкень числа, ламонь числа.
1. Кудо, кудо-т
2. Кудо-нь
3. Кудо-нень
4. Кудо-до
5. Кудо-со
6. Кудо-сто
7. Кудо-с
8. Кудо-кс
9. Кудо-шка
10. Кудо-втомо
Невтезь поладкстома.
Вейкень числа, ламонь числа.
кудо-сь, кудотне
кудо-нть, кудотне-нь
кудо-нтень, кудот-нень
кудо-донть, кудотне-де
кудо-сонть, кудотне-сэ
кудо-стонть, кудотне-стэ
кудо-зонть, кудотне-с
кудо-ксонть, кудотне-кс
кудо-шканть, кудотне-шка
кудо-втомонть, кудотне-втеме
Истя кармить поладкстововомо весе лем валтнэ, конатнень лувост песэ ашти а, ё, а, я (шочко, вальма, Олё, куля ды сынст кондят лем валтнэ). Васенце поладксонь формась, лиякс меремс, вал лувось, валонь поладкстомо кадови апак полавтневть. Полавтневеме кармить ансяк вал петне.
Апак невть поладкстома
Вейкень числа, ламонь числа
1. Кал - калт
2. Кал-онь
3. Кал-нэнь
4. Кал-до(то)
5. Кал-со
6. Кал-сто
7. Кал-с
8. Кал-окс
9. Кал-шка
10. Кал-томо
Невтезь поладкстома.
Вейкень числа, ламонь числа
кал-ось, калтнэ
кал-онть, калтнэ-нь
кал-онтень, калтнэ-нень
кал-донть, калтнэ-де
кал-сонть, калтнэ-ссэ
кал-стонть, калтнэ-стэ
кал-зонть, калтнэс
кал-оксонть, калтнэ-кс
кал-шканть, калтнэ-шка
кал-томонть, калтнэ-втеме
Истя кармить поладкстомо весе лем валтнэ, конатнень лувост песэ аштить калгодо а моравикс вайгелькст (вал, сал, совхоз, ды лият).
Апак невтть поладкстома.
Вейкень числа, ламонь числа
1. Каль - каль-ть
2. Кал-ень
3. Каль-нень
4. Каль-де
5. Каль-сэ
6. Каль-стэ
7. Каль-с
8. Каль-екс
9. Каль-шка
10. Каль-теме
Невтезь поладкстома.
Вейкень числа, ламонь числа
кал-есь, кальтне -
кал-енть, кальтне-нь
кал-ентень, кальтне-нень
каль-денть, кальтне-де
каль-сэнть. Кальтне-сэ
каль-стэнть, кальтне-стэ
кал-езэнть, кальтне-с
кал-эксэнть, кальтне-кс
каль-шканть, кальтне-шка
каль-тементь, кальтне-втеме
Истя кармить поладкстомо весе лем валтнэ, конатнень песэ ашти а моравикс гайниця вайгелькс (карь, парь, пеель, човонь, ривезь ды лият).
Апак невтть поладкстома.
Вейкень числа, ламонь числа
1. Сёксь - сёксть
2. Сёксь-ень
3. Сёксь-нень
4. Сёксь-еде
5. Сёксь-есэ
6. Сёксь-естэ
7. Сёксь-ес
8. Сёксь-екс
9. Сёксь-ешка
10. Сёксь-теме
Невтезь поладкстома.
Вейкень числа, ламонь числа
сёксь-есь, сёкстне -
сёксь-енть, сёкстне-нь
сёксь-ентень, сёкстне-нень
сёксь-еденть, сёкстне-де
сёксь-езэнть, сёкстне-сэ
сёксь-естэнть, сёкстне-стэ
сёксь-езэнть, сёкстне-с
сёксь-ексэнть, сёкстне-кс
сёксь-ешканть, сёкстне-шка
сёксь-тементь, сёкстне-втеме
Истя кармить полавтневеме весе лем валтнэ, конатнень лувост песэ ашти чевте а моравикс а гайниця вайгелькс.
Апак невть поладкстома.
Вейкень числа, ламонь числа.
1. Веле, веле-ть
2. Веле-нь
3. Веле-енень
4. Веле-де
5. Веле-сэ
6. Веле-стэ
7. Веле-с
8. Веле-кс
9. Веле-шка
10. Веле-втеме
Невтезь поладкстома.
Вейкень числа, ламонь числа
веле-сь, велетне-
веле-нть, велетне-нь
веле-нтень, велетне-нень
веле-денть, велетне-де
веле-сэнть, велетне-сэ
веле-стэнть, велетне-стэ
веле-зэнть, велетне-с
веле-ксэнть, велетне-кс
веле-шканть, велетне-шка
веле-втементь, велетне-втеме
Истя кармить поладкстомо весе лем валтнэ, конатнень песэ ашти е, и, ы (узере, чи, чары) ды лият.
24. ç Предметэнь лем валтнэнь орфографиядо.
Предметэнь лем валонть лувозо ды васенце поладксонь формась вейкеть. Лем валонть лувозо весе поладкстнэсэ поладкстомо а лиякстоми. Апак лиякстомт лувонтень поладовить поладксонь петь. Неть поладксонь петне вана кодат:
1 лув (певтеме)
2 « онь, ень, энь, нь
3 « нэнь, нень
4 « до, дэ, де, то, тэ, те
5 « со, сэ
6 « сто, стэ
7 « с
8 « окс, екс, кс
9 « ошка, ешка, шка
10 « втомо, втеме, томо, теме, тэме
25. ç Предметэнь лем валонь ламонь числась.
Эрявиндеряй теемс ды сёрмалдомс апак невтть поладкстомонь ламонь числа, эряви педявтомс апак невтть поладкстомонь вейкень числантень т или ть.
кудо - кудот
вальма - вальмат
зепе - зепеть
кизэ - кизэть
вакан - вакант
утомо - утомот
парго - паргот
кардо - кардот
вал - валт
кал - калт
чи - чить
карь - карть
чары - чарыть
салдат - салдатт
кардаз - кардазт
тарад - тарадт
колхоз - колхозт
совхоз - совхозт
пеель - пеельть
книга - книгат
// Бути валонть песэ «т» эли «д» вайгелькс, эйзэнзэ эряви путомс омбоце «т», куш сон тесэ аволь пек марявияк, примеркс: салдат - салдатт, тарад - тарадт.
Эрявиндеряй теемс джы сёрмадомс невтезь вейкень числань форма, эряви педявтомс апак невтть поладкстомонь вейкень числасо форманть пес, сь, ось, есь, эсь.
Примерт:
кудо - кудось
веле - велесь
чи - чись
чары - чарысь
школа - школась
тонавтыця - тонавтыцясь
парго - паргось
кардо - кардось
зепе - зепесь
ломань - ломанесь
сёксь - сёксесь
карь - каресь
човонь - човонесь
чемень - чеменесь
пуль - пулесь
сапонь - сапонесь
нупонь - нупонесь
вал - валось
колхоз - колхозось
скал - скалось
сал - салось
вакан - ваканось
панар - панарось
ош - ошось
кавал - кавалось
каль - калесь
пикс - пиксэсь
бригадир - бригадирэсь
пинкс - пинксэсь
Эрявиндеряй теемс ды сёрмадомс невтезь поладкстомань ламонь числань форма. Эряви педявтомс апак невтть поладкстомонь ламонь числань форматнень не эли нэ, примеркс: пулт - пултнэ, тарадт - тарадтнэ.
Примерт:
вал - валт - валтнэ
колхоз - колхозт - колхозтнэ
ош - ошт - оштнэ
вакан - вакант - вакантнэ
панар - панарт - панартнэ
колхозник - колхозникт - колхозниктнэ
кудо - кудот - кудотне
пулт - пултт - пултнэ
салдат - салдатт - салдаттнэ
тарад - тарадт - тарадтнэ
веле - велеть - велетне
чи - чить - читне
парго - паргот - парготне
зепе - зепеть - зепетне
човонь - човонть - човонтне
карь - карть - картне
утомо - утомот - утомотне
кардо - кардот - кардотне.
Невтезь поладкстомань формань лем валтнэнь ламонь числасо васень поладкссо эрсить кавто пест: тне иды тнэ.
// Зярдо лем валось апак невтть поладкстомонь формасо васенце поладкссо вейкень числасо прядови моравикс вайгелькссэ эли а моравикс чевте вайгелькссэ, сестэ невтезь поладкстомонь формасо васенце поладкссо ламонь числасо лем валонть пезэ ули тне, примеркс: пире - пиретне, чеерь - чеертне.
Зярдо лем валось апак невтть поладксотомань формасо васенце поладкссо вейкень числасо прядови а моравикс калгодо вайгелькссэ, сестэ невтезь поладкстомань формасо васенце поладкссо ламонь числасо лем валонть пезэ ули тнэ, примеркс: завод - заводтнэ, скал - скалтнэ.
26. ç Лицянь пе марто поладкстома.
Эрзянь кельсэ лем валтнэ невтить аволь ансяк предметэнть лемензэ, сынст эйсэ можна невтемс эщо, кинь предметэсь (монь, тонть, сонзэ, минек, тынк, сынст). Секс лем валтнэ поладкстовить лицянь пя марто.
Поладкстнэ; 1 лиця (монь)
1 Авам
2 Ава-нь
3 Ава-нень
4 Ава-адон
5 Ава-сон
6 Ава-стон
7 Ава-зон
8 Ава-ксон
9 Ава-шкан
10 Ава-втомон
2 лиця (тонть)
ава-т
ава-ть
ава-тень
ава-дот
ава-сот
ава-сот
ава-стот
ава-зот
ава-шкат
ава-втомот
3 лиця (сонзэ)
ава-зо
ава-нзо
ава-нстэнь
ава-донзо
ава-сонзо
ава-стонзо
ава-зонзо
ава-ксонзо
ава-шканзо
ава-втомонзо
1 лиця (минек)
1 Ава-нок
2 Ава-нок
3 Ава-нок (туртов)
4 Ава-донок
5 Ава-сонок
6 Ава-стонок
7 Ава-зонок
8 Ава-ксонок
9 Ава-шканок
10 Ава-втомонок
2 лиця (тынк)
ава-нк
ава-нк
ава-нк (туртов)
ава-донк
ава-сонк
ава-стонк
ава-зонк
ава-ксонк
ава-шканк
ава-втомонк
3 лиця (сынст)
ава-ст
ава-ст
ава-ст (туртов)
ава-дост
ава-сост
ава-стост
ава-зост
ава-ксост
ава-шкаст
ава-втомост
1 лиця (монь)
1 Кед-ем
2 Кед-ень
3 Кед-енень
4 Кед-едень
5 Кедь-сэнь
6 Кедь-стэнь
7 Кед-езэнь
8 Кед-ексэнь
9 Кед-ешкан
11 Кед-евтемень
кед-еть
кед-еть
кед-етень
кед-едеть
кедь-сэть
кедь-стэть
кед-езэть
кед-ексэть
кед-ешкат
кед-евте-меть
2 лиця (сонзэ)
кед-езэ
кед-ензэ
кед-енстэнь
кед-едензэ
кедь-сэнзэ
кедь-стэнзэ
кед-езэнзэ
кед-ексэнзэ
кед-ешканзо
кед-евтемензэ
1 лиця (минек)
1 Кед-енек
2 Кед-енек
3 Кед-енек (туртов)
4 Кед-еденек
5 Кедь-сэнек
6 Кедь-стэнек
7 Кед-езэнек
8 Кед-ексэнек
9 Кедь-шканок
10 Кед-втеменек
2 лиця (тынк)
кед-енк
кед-енк
кед-енк (туртов)
кед-еденк
кедь-сэнк
кедь-стэнк
кед-езэнк
кед-ексэнк
кедь-шканк
кед-евтеменк
3 лиця (сынст)
кед-ест
кед-ест
кед-ест (туртов)
кед-едест
кедь-сэст
кедь-стэст
кед-езэст
кед-ексэст
кед-шкаст
кед-евтемест
Тешкстамо. 3-це поладксонь формась кортамсто тееви истя: ёвтави омбоце поладксонь формась ды мартонзо ёвтыть туртов вал.
27. ç Признаконь лем валт.
Улить истят валт, конат невтить, кодамо предметэсь - предметэнть покшолманзо (покш, вишкине, сэрей, алкине), тюсонзо (якстере, ашо, раужо, сёрмав), предметэнть паро чинзэ (вадря, берянь, шумбра, виев) ды лият.
// Истят валтнэде мерить признаконь лем валт.
Признаконь лем валтнэ отвечить истямонь кевкстемань каршо: кодамо?
Вал велесэ признаконь лем валтнэ эрсить сказуемойкс ды чаркодевтиця валокс.
Пример: Колозось сокась покш пакся (покш - чаркодевтиця вал). Колхозонь паксясь покш (покш - сказуемой).
Признаконь лем валтнэ полавтневить поладксонь кувалт ды числань кувалт.
28. ç Признаконь лем валтнэнь поладкстомаст.
Вейкень числа.
Апак невтть поладкстома.
1. Ашо-
2. Ашо-нь
3. Ашо-нень
4. Ашо-до
5. Ашо-со
6. Ашо-сто
7. Ашо-с
8. Ашо-кс
9. Ашо-шка
10. Ашо-втомо
Невтезь поладкстома.
ашо-сь
ашо-нть
ашо-нтень
ашо-донть
ашо-сонть
ашо-стонть
ашо-зонть
ашо-ксонть
ашо-шканть
ашо-втомонть
Ламонь числа.
Апак невтть поладкстомо.
1. Ашо-т
2.
3.
4.
5.
6.
7.
8.
9.
10.
(Истя, жо, кода вейкень числасо).
Невтезь поладкстома.
Ашо-тне
Ашо-нь
Ашо-нень
Ашо-де
Ашо-сэ
Ашо-стэ
Ашо-с
Ашо-кс
Ашо-шка
Ашо-втеме
Кода нейсынек неть примертнестэ, признаконь лем валтнэ поладкстовить истя жо, кода поладкстовить предметэнь лем валтнэ, лиякс меремс, весе поладкстнэва вал петне некеть жо, кодат предметэнь лем валонь.
Примеркс, признаконь лем валось ашо поладкстови истя жо, кода предметэнь лем валось кудо; якстере, пиже - поладкстовить истя жо, кода веле предметэнь лем валось; сэрей, тантей - истя жо, кода килей лем валось.
Признаконь лем валтнэ кортамсто эрсить предметэнь лем вал марто, примеркс: сэнь цеця, сэрей чувто, покш ломань.
Зярдо признаконь лем валось ашти предметэнть лем валонть икеле, сестэ поладксонь кувалт пензэ полавтнесы ансяк предметэнь лем валось. Икеле аштиця признаконь лем валось весе поладкстнэва кадови васень формасонзо.
Вансынек поладкстомань те случаенть.
Вейкень числа.
Апак невтть поладкстома.
1. Покш завод
2. Покш завод-онь
3. Покш завод-нэнь
4. Покш завод-то
5. Покш завод-со
6. Покш завод-сто
7. Покш завод-с
8. Покш завод-окс
9. Покш завод-шка
10. Покш завод-томо
Невтезь поладкстома.
покш завод-ось
покш завод-онть
покш завод-онтень
покш завод-тонть
покш завод-сонть
покш завод-стонть
покш завод-озонть
покш завод-оксонть
покш завод-шканть
покш завод-томонть
Ламонь числа.
Апак невтть поладкстома.
1. Покш колхозт
2.
3.
4.
5.
6.
7.
8.
9.
10.
(Истя, жо, кода вейкень числасо).
Невтезь поладкстома.
покш заводтнэ
покш заводтнэ-нь
покш заводтнэ-неньде
покш заводтнэ-де
покш заводтнэ-сэ
покш заводтнэ-стэ
покш заводтнэ-с
покш заводтнэ-кс
покш заводтнэ-шка
покш заводтнэ-втеме
Эрсить истят случайть, зярдо признаконь лем валось кортамсто тееви лем валонь чаркодемасо, истя теевкшны сень лангс ванозь, кодамо таркасо сон ашти предметэнть лем валонть марто вейсэ ёвтамстонзо.
Примерт:
1. ашо ал; ал ашо;
2. валдо чи; чи валдо;
3. валдо ков; ков валдо;
4. якшамо теле; теле якшамо;
5. ашо сельме; сельме ашо;
6. пиже ярмак; ярмак пиже.
Вансынек васенце примерэнть:
Ашо ал; тесэ ашо валось пшкади кодамо? кевкстемань каршо - чаркодемазо признаконь лем валонь, ал валось пшкади мезе? кевкстемань каршо. Те мезе? - Ал. Кодамо ал? - Ашо ал.
Вансынек ней неке валтнэнь, зярдо сынст таркаст полавтозь; ал ашо. Тесэ тевесь ашти лиякс. Те мезе? Ашо. Кодамо ашось? Ал ашо. Тесэ ашо валонть чаркодемазо предметэнь лем валонь.
29. ç Ловомань лемть.
// Истят валтнэде, конатнесэ минь ловтано, конат невтить зняро предметтнэде (невтить количества), эли конат невтить ловома предметтнэнь порядкаст, мерить ловомань лемть.
Зярдо ловомань лемтне невтить. Зяро предметтнэде, истят валтнэде мерить количествань ловома лемть, сынст кевкстемаст - зяро? (сядо, вейке). Зярдо ловомань лемтне невтить ловома предметтнэнь порядкаст, сындест мерить порядкань ловома лемть, сынст кевкстемаст - зяроце (сядоце, омбоце).
Ловомань лемтне поладкстовить истя жо, кода поладкстовить весе предметэнь лем валтнэ.
Кавто ловомань лемесь поладкстови кудо валонть ладсо, ниле, омбоце ловомань лемтне - веле ладсо, кемень ловомань лемесь - сапонь ладсо ды лият.
Весе ловомань лемтне поладкстомань коряс явовить истя:
1. Ловомань лемтне е пе марто
2. « « о « ´
3. « « нь « «
е ды э пе марто
вейке
ниле
вете вейксэ
кевейкее
кемнилее
кеветее
кемсисемге
кевейксэе
комсьвейкее
комсьнилее
комсьветее
комсьсисемге
комсьвейксее
о пе марто
кавто
колмо
кото
кавксо
кемгавтово
кемголмово
кемготово
кемгавксово
комськавтово
комськолмово
комськотово
комськавксово
сядо
нь пе марто
кемень
комсь
колоньгемень
ниленьгемень
ведьгемень
кодгемень
сизьгемень
кавксоньгемень
вейксэньгемень
30. ç Ловома валтнэнь поладкстомаст.
Е, о, нь пе марто
1.ниле, колмо, кемень
2. нилень, колмонь, кеменень
3. ниленень, колмонень, кеменнень
4. ниледе, колмодо, кеменде
5. нилесэ, колмосо, кеменьсэ
6. нилестэ, колмосто, кеменьстэ
7. нилес, колмос, кеменьс
8. нилекс, коолмокс, кеменькс
9. нилешка, колмошка, кеменьшка
10. нилевтеме, колмовтомо, кементеме
Тешкстамо. Сисем ловомань лемесь поладкстови истя же, кода поладкстови кем предметэнь лем валось.
тыща ловома валось поладкстомви кода ава
миллион « « « « вакан
комсь « « « « сёксь.
31. ç Ловомань лемтнень сёрмадомаст.
Количествань ловомань лемтне сёрмадовить истя:
1-вейке
2-кавто
3-колмо
4-ниле
5-вете
6кото
7сисем
8-кавксо
9-вейксе
10-кемень
11-кевейкее
12-кемгавтово
13-кемголмово
14-кемнилее
15-кеветее
16-кемготово
17-кемсисемге
18-кемгавксово
19-кевейксэе
20-комсь
21-комсьвейкее
22-комськавтово
23-комськолмово
24-комсьнилее
25-комсьветее
26-комськотово
27-комсьсисемге
28-комськавксово
29-комсьвейксее
30-колоньгемень
31-колоньгемень вейке
32-колоньгемень кавто
33-колоньгемень колмо
34-колоньгемень ниле
40-ниленьгемень
50-ведьгемень
60-кодгемень
70-сизьгемень
80-кавксоньгемень
90-вейксеньгемень
100-сядо
101-сядо вейке
102-сядо кавто
103-сядо колмо
111-сядо кевейкее
133-сядо колоньгемень колмо
200-кавто сядт
300-колмо сядт
400-ниле сядт
500-вете сядт
1000-тыща
1933-тыща вейксе сядт колоньгемень колмо
10000-кемень тыщат
1000000-миллион
Порядкань ловома лемтне сёрмадовить истя:
васенце
омбоце
колмоце
нилеце
ветеце
котоце
сисемеце
кавксоце
вейксэце
кеменце
кевейкееце
кемгавтовоце
кемголмовоце
кемнилееце
кеветееце
кемготовоце
кемсисемгеце
кемгавксовоце
кевейксэеце
комсеце
комсьвейкееце
комськавтовоце
комськолмовоце
комсьнилееце
комськотовоце
комсьсимгеце
комськавксовоце
комсьвейксэеце
колоньгеменце
колоньгемень вейкеце
колоньгемень кавтоце
колоньгемень колмоце
колоньгемень нилеце
колоньгемень ветеце
колмоньгемень котоце
колоньгемень сисемеце
колоньгемень кавксоце
колоньгемень вейксэце
ниленьгеменце
ведьгеменце
кодгеменце
сизьгеменце
кавксоньгеменце
вейксэньгеменце
сядоце
сядо вейкеце
сядо кевейкееце
сядо колоньгемень кавтоце
тыщаце
миллионце
32. ç Лем полавтовкс.
// Неть валтнэде, конат вал велесэ аштить предметэнь лем валонь. Признаконь лем валонь ды ловома лемень таркас, мерить лем полавтовкс.
Сайтяно истят вал велеть.
Колхозник соки тракторсо. Сон моры моро. Тесэ сон валось ашти колхозник валонть таркас. Не вал велетнень можна истяяк ёвтамс. Колхозник соки тракторсо. Колхозник моры моро.
Сайтяно лия вал велеть. Саран ошсо улить покш кудот. Истят кудот улить лия ошсояк.
Тесэ, омбоце вал велесэнть истят валось ашти покш валонть таркас.
Ськамонзо ёвтазь лем полавтовксонь чаркодемазо а содави. Васня эряви ваномс, кодамо вал велесэ ды кодамо вал сон полавты.
Весе лем полавтовкс валтнэ чаркодемань кувалт явовить истя:
1. Лицянь лем полавтовкс: 1-це лиця - мон, 2-це лиця - тон, 3-це лиця - сон.
2. Ле полавтовкст, конат невтить, кинь те предметэсь: монь, тонть, сонзэ, эсь.
3. Невтема лем полавтовкст: те, се, истямо, зняро.
4. Кевкстема лем полавтовкст: ки. мезе, кодамо, кона, зяро.
5. Определённойть ле полавтовкст: монсь, тонсь, весе.
6. Аволь определённойть: кияк, мезеяк, ки бути, мезе бути, конаяк, кодамояк.
Лем полавтовкстнэ полавтневить поладкссо. Лиякс меремс, поладкстовить. Вал велесэ сынь эрсить подлежащейкс ды чаркодевтиця валокс.
Мон тонавтнян. Тон тонавтат. Сон ловны кнгига. Мон, тон, сон валтнэ тесэ подлежащейть.
Ялгам кандсь монень газета. Зяро пандыть пееленть кис? Монень ды зяро валтнэ тесэ - чаркодевтиця валт.
Лем полавтовксонь поладкстома.
Мон
Поладкстнэ; вейкень числа; ламонь числа
1. мон, минь
2. монь, минек
3. монень, миненек
4. мондень, минденек
5. моньсэнь, миньсэнек
6. моньстэнь, миньстэнек
7. моньзэнь, миньзэнек
8. моньксэнь, миньксэнек
9. моньшкан, миньшканок
10. монтемень, минтеменек
Тон.
Поладкстнэ; вейкень числа; ламонь числа
1. тон, тынь
2. тонть, тынк
3. тонеть, тыненк
4. тондеть, тынденк
5. тоньсэть, тыньсэнк
6. тоньстэть, тыньстэнк
7. тоньзэть, тыньзэнк
8. тоньксэть, тыньксэнк
9. тоньшкат, тыньшканк
10. тонтеметь, тынтеменк.
Сон.
Поладкстнэ; вейкень числа; ламонь числа
1. сон, сынь
2. сонзэ, сынст
3. сонензэ, сыненст
4. сондензэ, сындест
5. соньсэнзэ, сыньсэст
6. соньстэнзэ, сыньстэст
7. соньзэнзэ, сыньзэст
8. соньксэнзэ, сыньксэст
9. соньшканзо, сыньшкаст
10. сонтемензэ, сынтемест.
Ветеце, котоце, сисемеце ды вейксэце поладксонь форматнень можна полавтомс лия формасо.
5. моньсэнь - эйсэнь; миньсэнек - эйсэнек
6. моньстэнь - эйстэнь; миньстэнек - эйстэнек
7. моньзэнь - эйзэнь; миньзэнек - эйзэнек
8. моньшкан - эйшкан; миньшканок - эйшканок
5. тоньсэть - эйсэть; тыньсэнк - эйсэнк
6. тоньстэть - эйстэть; тыньстэнк - эйстэнк
7. тоньзэть - эйзэть; тыньзэнк - эйзэнк
9. тоньшкат - эйшкат; тыньшканк - эйшканк
5. соньсэнзэ - эйсэнзэ; сыньсест - эйсэст
6. соньстэнзэ - эйстэнзэ; сыньстэст - эйстэст
7. соньзэнзэ - эйзэнзэ; сыньзэст - эйзэст
8. соньшканзо - эйшканзо; сыньшкаст - эйшкаст.
Неть форматнень чаркодемаст вейкеть.
Приметямо: эйсэ, эйстэ, эйшка валтнэ улить вал меелькст (сынст кувалт ёвтазь седе тов).
Вал меелькстнэнень можна педявтомс лицянь петь: нь. Нзо, нок, нек, нк, ст ды лият. Лиси: эйсэнь. Эйсэть, эйсэнзэ, эйсэнек, эйсэнк, эйсэст.
Остатка лем полавтовкстнэ поладкстовить истя жо, кода предметэнь лем валтнэ.
Апак невтть поладкстома.
Поладкстнэ; вейкень числа; ламонь числа
1. се, сеть
2. сень
3. сенень
4. седе
5. сесэ
6. сестэ
7. -
8. секс
9. сешка
10. севтеме
Невтезь поладкстома.
Поладкстнэ; вейкень числа; ламонь числа
1. -, сетне
2. , сетнень
3. , сетненень
4. , сетнеде
5. , сетнесэ
6. , сетнестэ
7. , сетнес
8. , сетнекс
9. , сетнешка
10. , сетневтеме.
33. çЛем валонь пингстамо.
Предметэнь лем валтнэ, признаконь лем валтнэ, лем полавтовкстнэ поладкстомадо башка полавтневить лицянь кувалт, шкань кувалт ды числань кувалт истя жо, кода теемань валтнэяк.
Неень шка.
Лицят; вейкень числа; ламонь числа
Мон сокиця-ян (сокицян)
Тон сокиця-ят (сокицят)
Сон сокиця
Минь сокиця-тано
Тынь сокиця-тадо
Сынь сокиця-т
Ютась шка.
Мон сокиця-линь
Тон сокиця-лить
Сон сокиця-ль
Минь сокиця-линек
Тынь сокиця-лиде
Сынь сокиця-льть
Неень шка.
Мон ударник-ан
Тон ударник-ат
Сон ударник
Минь ударник-тано
Тынь ударник-тадо
Сынь ударник-т
Ютась шка.
Мон ударник-е-линь
Тон ударник-е-лить
Сон ударник-е-ль
Минь ударник-е-линек
Тынь ударник-е-лиде
Сынь ударник-е-льть
Признаконь лем валонь пингстамо.
Неень шка.
Лицят; вейкень числа; ламонь числа
Мон ашо-ян
Тон ашо-ят
Сон ашо
Минь ашо-тано
Тынь ашо-тадо
Сынь ашо-т
Ютась шка
Мон ашо-линь
Тон ашо-лить
Сон ашо-ль
Минь ашо-линек
Тынь ашо-лиде
Сынь ашо-льть
Неень шка.
Лицят; вейкень числа; ламонь числа
Мон мазы-ян
Тон мазы-ят
Сон мазы
Минь мазы-тяно
Тынь мазы-тадо
Сынь мазы-ть
Ютась шка.
Мон мазы-линь
Тон мазы-лить
Сон мазы-ль
Минь мазы-линек
Тынь мазы-лиде
Сынь мазы-льть
34. ç Ловомань лемень пингстамо.
Ловомань лемтне пингставить аволь весе. Пингставить эйстэст ансяк неть, конат невтить предметтэнь порядкаст ды отвечить зяроце? кевкстемань каршо.
Неень шка.
Лицят; вейкень числа; ламонь числа
Мон нилеце-ян
Тон нилеце-ят
Сон нилеце
Минь нилеце-тяно
Тынь нилеце-тядо
Сынь нилеце-ть
Ютась шка.
Мон нилеце-линь
Тон нилеце-лить
Сон нилеце-ль
Минь нилеце-линек
Тынь нилеце-лиде
Сынь нилеце-льть
35. ç Теемань валт.
// Теемань валт мерить истят валтнэде, конат невтить, мезе теи предметэсь эли мезе мартонзо тееви, кодамо состояниясо ашти предметэсь.
Теемань валось отвечи истямо кевкстемань каршо: мезе теи предметэсь? эли мезе мартонзо тееви? (ловны, сёрмады, уды, ловнови, сёрмадови). Сон полавтневи шкань, числань ды лицянь кувалт. Тееманть валтнэ полавтневить колмо шкань кувалт: неень шкань кувалт, сы шкань кувалт ды ютась шкань кувалт. Неень шкань кувалт теемань валонь полавтнемась невти, што предметэнть действиязо моли кортамо шкастонть (цёрынесь ловны кнгига). Те примерсэнть ловны валось невти сень, што цёрынесь ловны ней, зярдо сонзэ кувалт кортыть.
Ютась шкань кувалт теемань валонь полавтнемась невти предметэнть действиянзо, кона ульнесь кортамо шкадонть икеле (цёрынесь ловнось книга). Те примерэсь невти, што цёрынесь ловнось кортамо шкадонть икеле.
Сы шкань кувалт теемань валонь полавтнемась невти предметэнть действиянзо, кона карми улеме кортамо шкадонть мейле (цёрынесь карми ловномо книга; цёрынесь ванды ловныкавто книгат). Карми ловномо ды ловны теемань валтнэ те примерсэнть невтить, што тевесь эщо арась ды арасельгак. Сон ули эли карми улеме седе мейле.
Неень шкань, сы шкань ды ютась шкань теемань валтнэ полавтневить лицянь кувалт. Лицятне колмо: васенце лиця, омбоце лиця, колмоце лиця.
Васенце лицясь невти, што тевенть теи, тейсы эли теизе сонсь кортыцясь (ловнан, сёрмадан). Омбоце лицясь невти, што тевенть теи, тейсы эли теизе се, кие марто кортыть (ловнат, сёрмадат). Колмоце лицясь невти, што тевенть теи аволь сонсь кортыцясь, аволь сеяк, кие марто кортыть, тевенть теи колмоце, лия предмет (ловны, сёрмады).
Весе теемань валтнэ полавтневить числава. Числатнеде кавто: вейкень числа (сёрмадан, ловнан, сёрмадынь, ловнынь) ды ламонь числа (сёрмадтано, ловнотань, сёрмадынек, ловнынек).
Шкань кувалт, лицянь кувалт ды числань кувалт теема валонь полавтнемадонть мерить пингстамо.
Вал велесэ теемань валось сюлмави лем валонть марто, кона невти, кинь действиясь, лиякс меремс, подлежащеенть марто. Весе теемань валтнэ сюлмавить подлежащей марто лицянь ды числань коряс.
Зярдо эряви тешкстамс ансяк кодамояк действиянть, се лангс апак вант, кона действиясь кодамо шкасто тееви, сестэ те теемань валонть эйстэ мерить инфинитив.
Инфинитивень форманть эрзянь кельсэ вете пензэ.
Инфинитивень васенце форманть пензэ истят: ямс, амс, омс, емс, эмс (сокамс, ловномс, видемс, пивсэмс, каямс).
Инфинитивень омоце форманть таго вете пензэ: ямо, амо, омо, еме, эме (сокамо, ловномо, видеме, пивсэме, каямо).
Каямс, каямо
Сокамс, сокамо
Ловномс, ловномо
Видемс, видеме
Пивсэмс, пивсэме
Инфинитивень формасо аштиця теемань валтнэ пшкадить мезе тейнемс? мезе теемс? кевкстемань каршо.
Неень шкань, сы шкань ды ютась шкань теемань валтнэ вал велесэ свал аштить сказуемойкс.
Лиясто теемань валсо невтезь действиясь максови лия предмет лангс. Сайтяно истямо пример: цёрась керясь чувто. Те примерсэнть цёранть действиязо максови лия предмет лангс (чувто). Сайтяно лия пример: цёрась арси. Те примерсэнть цёранть действиязо лия предмет лангс а максови. Предметэнь лем валтнэде, конатнень лангс максови теемань валсо невтезь действиясь, мерить объект. Неть валтнэ эрсить васенце поладкссо - цёрась керясь чувто - тесэ чувто валось васенце поладкссо; эли омбоце поладкссо - цёрась керизе чувтонть - тесэ чувтонть валось омбоце поладкссо.
Эрзянь кельсэ улить пингстамонь кавто формат:
1) объекттэме пингстамо
2) объект марто пингстамо
мон удан
тон удат
сон уды
мон содаса (сонзэ содаса)
тон содасак (сонзэ содасак)
сон содасазо (сонзэ содасазо).
Сайтяно истямо пример:
Мон чиян, тон чият. Те пингстамосонть ули подлежащей (мон), ули сказуемой (чиян). Кодамояк объект тесе арась. Секс те теемань валонть эйстэ мертяно объектеме теемань вал.
Объект марто пингстамось лия. Сайтяно пример. Мон книганть ловноса. Тесэ ули подлежащей (мон), ули сказуемой (ловноса), ули объекткак (книганть). Тесэ колмо валт. Саиндерятано ансяк ве вал ловноса, сон ськамонзояк тешксты: мон сонзэ ловноса. Улить эли арасть неть кавто валтнэ (подлежащеесь ды объектэсь), теемань валось яла кадови объект марто теема валокс.
содаса (мон сонзэ)
содасак (тон сонзэ)
содасазо (сон сонзэ)
содатадызь (мон тынк, минь тынк)
содасамизь (тон минек, тынь монь).
объекттэме теемань валось полавтневи сисем формава. Васенце формась невти действиянть неень шкасто, ютась шкасто эли сы шкасто.
36. ç Объекттэме пингстамо.
(Неень шка).
сок-а-мс (сокамо)
Вейкень числа; ламонь числа
Мон сока-ан
Тон сок-ат
Сон сок-и
Минь сок-а-тано
Тынь сок-а-тадо
Сынь сок-и-ть
ловн-о-мс (ловномо)
Вейкень числа; ламонь числа
Мон ловн-ан
Тон ловн-ат
Сон ловн-ы
Минь ловн-о-тано
Тынь ловн-о-тадо
Сынь ловн-ы-ть
вид-емс (видеме)
Вейкень числа; ламонь числа
Мон вид-ян
Тон вид-ят
Сон вид-и
Минь вид-е-тяно
Тынь вид-е-тядо
Сынь вид-и-ть
пивс-э-мс (пивсэме)
Вейкень числа; ламонь числа
Мон пивс-ан
Тон пивс-ат
Сон пивс-ы
Минь пивс-э-тяно
Тынь пивс-э-тядо
Сынь пивс-ы-ть
Неень шкань теемань валонь форматне теевить истя. Валонть лувозонзо эрявить педявтомс истят петь:
Вейкень числа. Ламонь числа.
1-це лицянь ан эли ян; тано эли тяно
2-це лицянь ат « ят; тадо « тядо
3-це лицянь « ы ´ и; ыть ´ ить.
Неень шкасо истя полавтневить объекттэме эрьва теемань валось. Эрявить содамс ансяк вал петнень. Сестэ эрьва теемань валонть полавтемензэ кармат маштомо шождынестэ.
37. ç Сы шка.
Сы шкань теемань валтнэ эрсить кавто формасо: ниркине формасо ды кувака формасо. Васенце сы шкань формась - ниркине форма. Сон целанек истямо же, кодамо неень шкань формась. Неень шкасто мерить: роботан, моран, ловнан, - сы шкастояк мерить: раман. Ловнан, керян ды лият. Штобу чаркодемс, кодамо шкань действиядо моли кортамось - неень шкань эли сы шкань - тень кис сы шкань теемань валтнэнень кортамсто аравтыть шкань невтиця валт: ванды раман скал, вандыде мейле ловнан книга ды лият.
Приметяамо. Эрзянь кельсэ кортамсто сы шкань ниркине формасо седе сеедэстэ эрсить истят теемань валтнэ, конат невтить субектэнь действия, кона максови кодамояк объектэнь лангс, примеркс: мон раман скал, мон кундан калт, мон керян чувто ды лият.
Истят теемань валтнэ, конат невтить лия лангс а максовиця действия эли невтить, кода ашти предметэсь, неть теемань валтнэ сы шкань невтемстэ седе сеедьстэ эрсить аравтозь сы шкань кувака формасо, примеркс: мон карман роботамо, удомо, морамо ды лият.
Сы шкань кувака форматне теевить истя: эряви саемс теемань вал кармамс ды аравтомс сонзэ неень шкань формасонзо, лиякс меремс, те теемань валонть лувонзо педявтомс неень шкань петь, ан, ат, тано, тадо, ть (карм-ан, карм-ат, карм-и, карма-тано, карма-тадо, кар-мить). Седе мейле эряви саемс теемань валонть инфинитивень омбоце форманзо, получатано истямо сы шкань форма: карман сокамо, карматадо ловномо, карми видеме, кармить пивсэме ды лият.
сокамс (сокамо), ловномс (ловномо)
вейкень числасо
Мон карман сокамо, ловномо
Тон кармат сокамо, ловномо
Сон карми сокамо, ловномо
ламонь числасо
Минь карматано сокамо, ловномо
Тынь карматадо сокамо, ловномо
Сынь кармить сокамо, ловномо
Видемс (видеме), пивсэмс (пивсэме)
вейкень числасо
Мон карман видеме, пивсэме
Тон кармат видеме, пивсэме
Сон карми видеме, пивсэме
ламонь числасо
Минь карматано видеме, пивсэме
Тынь карматадо видеме, пивсэме
Сынь кармить видеме, пивсэме
38. ç Ютась шка.
Ютась шкань те формась тееви вана кода. Эряви саемс неень шкань колмоце лицянь форма вейкень числасо ды педявтомс сонензэ истят петь.
Вейкень числа. Ламонь числа.
1-це лицянь нь; - нек
2-це лицянь ´ ть; -де
сокинь, сокить; сокинек, сокиде
Колмоце лицясь тееви лиякс. Тесэ эряви саемс инфинитив форманть ды мс пенть таркас путомс сь (вейкень числа) эли сть (ламонь числа). Сестэ колмоце лицясь ютась шкасто карми улеме вана кодамо: сока-сь, виде-сь, ловно-сь.
Ламонь числань форматнень пест кармить улеме истят: сока-сть, виде-сть, пивсэ-сть. Ловно-сть.
Сайтяно пример. Тон мезть тейнить исяк? - Сокинь. Сон мезть тейнесь? - Сонгак сокась.
Те пингстамодонть мерить ютась шкань васенце форма, эли лиякс. Ютась шкань ниркине форма.
Теде башка ули эщо ютась шкасо пингстамо.
Те пингстамонть пензэ вана кодат:
линь
лить
ль
линек
лиде
льть.
Неть петне эрявить педявтомс:
Неень шкань 3-це лицянь вейкень числ. форматненень (соки, види, пивсы, ловны).
Сайтяно пример. Мон парсте содаса се паксянть: аволь весть тосо сокилинь.
Те пингстамодонть мерить ютась шкань кувака форма, эли лиякс. Ютась шкань омбоце форма.
39. ç Ютась шкань васенце формась.
Лув - Неень шка вейкень числа 3-це лиця
сок - соки
ловн - ловны
вид - види
пивс - пивсы
Лув - инфинитив
сок - сока-мо
ловн - ловно-мо
вид - виде-ме
пивс - пивсэ-ме
Мон соки-нь, ловны-нь, види-нь, пивсы-нь
Тон соки-ть, ловн-ыть, види-ть, пивсы-ть
Сон сока-сь, ловно-сь, вид-(е)-сь, пивсэ-сь
Минь соки-нек, ловны-нек, види-нек, соки-нек
Тынь соки-де, ловны-де, види-де, пивсы-де
Сынь сока-сть, ловно-сть, вид-(е)-сть, пивсэ-сть
40. ç Ютась шкасо отрицания марто пингстамо.
Ютась шкань васень формась.
Отрицания марто пингстамось невти, што тевесь эли а тееви, эли а карми теевеме, эли эзть теевть.
Неень шкасо ды сы шкасо отрицания марто пингстамось кадови секе жо, кода отрицаниявтомояк, ансяк весе форматнень икеле ашти отрицания а. Сайтяно пример.
Мон сокан. + Мон а сокан.
Тон сокат. + Тон а сокат.
Сон соки. + Сон а соки.
Мон карман сокамо. + Мон а карман сокамо.
Тон кармат сокамо. + Тон а кармат сокамо.
Сон карми сокамо. + Сон а карми сокамо ды лият.
Ютась шкасо отрицания марто пингстамось моли овсе лиякс, теемань валось а полавтневи, полавтневи сонсь отрицаниясь.
Сайтяно пример.
Вейкень числа.
Мон эзинь сока, эзинь ловно, эзинь виде, эзинь пивсэ
Тон эзить сока, эзить ловно, эзить виде, эзить пивсэ
Сон эзь сока, эзь ловно, эзь виде, эзь пивсэ
Ламонь числа.
Минь эзинек сока, эзинек ловно, эзинек виде, эзинек пивсэ
Тынь эзиде сока, эзиде ловно, эзиде виде, эзиде пивсэ
Сынь эзть сока, эзть ловно, эзть виде, эзть пивсэ
40. ç Ютась шкань омбоце формась.
Неень шкань колмоце лиця: соки, ловны.
Вейкень числа
Мон соки-линь, ловны-линь
Тон соки-лить, ловны-лить
Сон соки-ль, ловны-ль
Ламонь числа
Минь соки-линек, ловны-линек
Тынь соки-лиде, ловны-лиде
Сынь соки-льть, ловны-льть
Неень шкань колмоце лиця: види, пивсы.
Вейкень числа
Мон види-линь, пивсы-линь
Тон види-лить, пивсы-лить
Сон види-ль, пивсы-ль
Ламонь числа
Минь види-линек, пивсы-линек
Тынь види-лиде, пивсы-лиде
Сынь види-льть, пивсы-льть
Эрявиндеряй теемс отрицания марто форма, сайть отрицания а ды путык эрьва форманть икелев. Сайтяно пример.
Вейкень числа
Мон а сокилинь + а ловнылинь
Тон а сокилить + а ловнылить
Сон а сокиль + а ловныль
Ламонь числа
Минь а сокилинек + а ловнылинек
Тынь а сокилиде + а ловнылиде
Сынь а сокилть + а ловныльть.
42. ç Сослагательной форма.
Сослагательной формасо теемань валось ашти сестэ, зярдо эряви невтемс, што действиясь карми улеме кодамояк условиянь коряс. Примерсэнть: - Моданть сокавлинек, ды трактортнэ арасельть. Тесэ сокавлинек валось ашти сослагательной формасо. Мейсь? Секс, што действиясь (сокамо) тееви сень коряс, улить арасть трактортнэ.
Сослагательной формась тееви вана истя: инфинитивсэнть эряви ёртомс мо (ме) пенть ды педявтомс истят петь: влинь, влить (воль, вель), влинек, влиде, вольть (вельть).
Лув - сок; ловн
Инфинитив - Сок-а-мо; Ловн-о-мо
Вейкень числа
Мон сок-а-влинь; ловн-о-влинь
Тон сок-а-влить; ловн-о-влить
Сон сок-а-воль; ловн-о-воль
Ламонь числа
Минь сок-а-влинек; ловн-о-влинек
Тынь сок-а-влиде; ловн-о-влиде
Сынь сок-а-вольть; ловн-о-вольть
Лув - вид; пивс
Инфинитив - вид-еме; пивс-эме
Вейкень числа
Мон вид-е-влинь; пивс-э-влинь
Тон вид-е-влить; пивс-э-влить
Сон вид-е-вель; пивс-э-вель
Ламонь числа
Минь вид-е-влинек; пивс-э-влинек
Тынь вид-е-влиде; пивс-э-влиде
Сынь вид-е-вельть; пивс-эльть
Отрицания марто сослагательной формат.
Вейкень числа
Мон аволинь сока, аволить ловно
Тон аволить сока, аволить ловно
Сон аволь сока, аволь ловно
Ламонь числа
Минь аволинек сока, аволинек ловно
Тынь аволиде сока, аволиде ловно
Сынь авольть сока, авольть ловно
Вейкень числа
Мон аволинь виде, аволинь пивсэ
Тон аволить виде, аволиде пивсэ
Сон аволь виде, аволь пивсэ
Ламонь числа
Минь аволинек виде, аволинек пивсэ
Тынь аволиде виде, аволиде пивсэ
Сынь авольть виде, авольть пивсэ
Седе парсте ванынк отрицания марто те пингстамонть. Нейсынк, тесэ пингстави сонсь отрицаниясь, аволь теемань валось. Теемань валось кадови апак полавтне.
43. ç Желательной форма.
Желательной формасо теемань валось ашти сестэ, зярдо корыцясь вал велесэнть ёвтни, кодамо действия сонзэ мельсэнзэ эряволь теемс. сайтяно пример. Сокиксэлень ды видиксэлинь, вием а ламо. Те вал велесэнть сокиксэлинь ды видиксэлинь теемань валтнэ аштить желательной формасо.
Неень шка вейкень чис. колмоце лиця - соки; ловны
Вейкень числа
Мон соки-ксэ-линь; ловны-ксэ-линь
Тон соки-ксэ-лить; ловны-ксэ-лить
Сон соки-ксэ-ль; ловны-ксэ-ль
Ламонь числа
Минь соки-ксэ-линек; ловны-ксэ-линек
Тынь соки-ксэ-лиде; ловны-ксэ-лиде
Сынь соки-ксэ-льть; ловны-ксэ-льть
Неень шка вейкень числ. колмоце лиця - види; пивсы
Вейкень числа
Мон види-ксэ-линь; пивсы-ксэ-линь
Тон виде-ксэ-лить; пивсы-ксэ-лить
Сон виде-ксэль; пивсы-ксэ-ль
Ламонь числа
Минь виде-ксэ-линек; пивсы-ксэ-линек
Тынь виде-ксэ-лиде; пивсы-ксэ-лиде
Сынь виде-ксэ-льть; пивсы-ксэ-льть
44. ç Условно-изъявительной форма.
Ютась шка вейкень чис. васенце лиця: Сокинь; ловнынь
Вейкень числа
Мон сокин-деря-н; ловнын-деря-н
Тон сокин-деря-т; ловнын-деря-т
Сон сокин-деря-й; ловнын-деря-й
Ламонь числа
Минь сокин-деря-тано; ловнын-деря-тано
Тынь сокин-деря-тадо; ловнын-деря-тадо
Сынь сокин-деря-йть; ловнын-деря-йть
Ютась шка вейкень чис. васенце лиця: Видинь; пивсынь
Вейкень числа
Мон видин-деря-н; пивсэн-деря-н
Тон виден-деря-т; пивсын-деря-т
Сон виден-деря-й; пивсын-деря-й
Ламонь числа
Минь видин-деря-тано; пивсын-деря-тано
Тынь видин-деря-тадо; пивсын-деря-тадо
Сынь видин-деря-йть; пивсын-деря-йть
45. ç Уступительной форма.
Инфинитив: сокамс; ловномс. Отрицания марто форма: сокамс; ловномс.
Вейкень числа
Мон соказан; ловнозан + илязан сока; илязан ловно
Тон соказат; ловнозат + илязат сока; илязат ловно
Сон соказо; ловнозо + илязо сока; илязо ловно
Ламонь числа
Минь соказтано; ловнозтано + илязтано сока; илязтано ловно
Тынь соказтадо; ловнозтадо + илязтадо сока; илязтадо ловно
Сынь соказт; ловнозт + илязт сока; илязт ловно
46. ç Условно-сослогательной форма.
Ютась шка вейкень числ. васенце лиця: сокинь; ловнынь
Вейкень числа
Мон сокин-деря-влинь; ловнын-деря-влинь
Тон сокин-деря-влить; ловнын-деря-влить
Сон сокин-деря-воль; ловнын-деря-воль
Ламонь числа
Минь сокин-деря-влинек; ловнын-деря-влинек
Тынь сокин-деря-влиде; ловнын-деря-влиде
Сынь сокин-деря-вольть; ловнын-деря-вольть
Ютась шка вейкень чис. васенце лиця: видинь; пивсынь
Вейкень числа
Мон видин-деря-влинь; пивсын-деря-влинь
Тон виден-деря-влить; пивсын-деря-влить
Сон виден-деря-воль; пивсын-деря-воль
Ламонь числа
Минь видин-деря-влинек; пивсын-деря-влинек
Тынь видин-деря-влиде; пивсын-деря-влиде
Сынь виден-деря-вольть; пивсын-деря-вольть
47. ç Кармавтома формат.
Инфинитив: сок-а-мо; ловн-о-мо; вид-е-ме; пивс-э-ме
Тон сока-к + ловно-к + виде-к + пивсэ-к
Тынь ловно-до + сока-до + виде-де + пивсэ-де
ван-о-мо; сёрмад-о-мо; вал-о-мо; макс-о-мо
Тон вано-к + сёрмад-т + вал-т + макс-т
Тынь вано-до + сёрмадо-до + вало-до + максо-до
Отрицания марто кармавтома формат.
Тон иля сока; иля ловно
Тынь иля-до сока; иля-до ловно
Тон иля ванок(вант); иля сёрмадт
Тынь иля-до вано (вант); иля-до сёрмадт
Отрицания марто кармавтома формат.
Тон иля виде; иля пивсэ
Тынь иля-до виде; иля-до пивсэ
Тон иля валт; иля макст
Тынь иля-до валт; иля-до макст
Приметямо. Кармавтомань значениясо сеедьстэ ёвтневить теемань вал 3-це лицяньпе марто, примеркс, сон соказо, ловнозо, млразо ды лият.
48. ç Объект марто пингстамо.
Субъект + объект + теемань валонть формазо
1 Мон + тонь + канд-та-н
2 Мон + сонзэ + канд-са
3 Мон + тынк + канд-та-дызь
4 Тон + сынст + канд-сы-нь
5 Тон + монь + канд-са-мак
6 Тон + сонзэ + канд-са-к
7 Тон + минек + канд-са-мизь
8 Тон + сынст + канд-сы-ть
9 Сон + монь + канд-са-мам
10 Сон + тонь + кан-дта-нзат
11 Сон + сонзэ + канд-са-зо (канд-сы)
12 Сон + минек + канд-са-мизь
13 Сон + тынк + канд-та-дызь
14 Сон + сынст + канд-сы-зе
15 Минь + тонь + канд-та-дызь
16 Минь+ сонзэ - канд-сы-нек
17 Минь + тынк + канд-та-дызь
18 Минь + сынст + канд-сы-нек
19 Тынь + монь + канд-са-мизь
20 Тынь + сонзэ + канд-сы-нк
21 Тынь+ минек + канд-са-мизь
22 Тынь + сынст + канд-сы-нк
23 Сынь + монь + канд-са-мизь
24 Сынь + тонь + канд-та-дызь
25 Сынь + сонзэ + канд-сы-зь
26 Сынь + минек + канд-са-мизь
27 Сынь + тынк + канд-та-ды-зь
28 Сынь + сынст + канд-сы-зь
49. çОбъект марто пингстамо.
Субъект + объект + теемань валонть формазо
1 Мон тонь канды-тинь
2 Мон сонзэ канды-я
3 Мон тынк канды-дизь
4 Мон сынст канды-нь
5 Тон мон канды-мик
6 Тон сонзэ канды-к
7 Тон минек канды-мизь
8 Тон сынст канды-ть
9 Сон монь канды-мим
10 Сон тонь канды-нзить
11 Сон сонзэ канды-зе
12 Сон минек канды-мизь
13 Сон тынк канды-дизь
14 Сон сынст канды-нзе
15 Минь тонь канды-дизь
16 Минь сонзэ канды-нек
17 Минь тынк канды-дизь
18 Минь сынст канды-нек
19 Тынь монь канды-мизь
20 Тынь сонзэ канды-нк
21 Тынь минек канды-мизь
22 Тынь сынст канды-нк
23 Сынь монь канды-мизь
24 Сынь тонь канды-дизь
25 Сынь сонзэ канды-зь
26 Сынь минек канды-мизь
27 Сынь тынк канды-дизь
29 Сынь сынст канды-зь
50. ç Объект марто пингстамо.
Отрицания марто форма
Субъект + объект + теемань валонть формазо
1 Мон тонь эзи-тинь кандо
2 Мон сонзэ эзи-я кандо
3 Мон тынк эзи-дизь кандо
4 Мон сынст эзи-нь кандо
5 Тон мон эзи-мик кандо
6 Тон сонзэ эзи-к кандо
7 Тон минек эзи-мизь кандо
8 Тон сынст эзи-ть кандо
9 Сон монь эзи-мим кандо
10 Сон тонь эзи-нзеть кандо
11 Сон сонзэ эзи-зе кандо
12 Сон минек эзи-мизь кандо
13 Сон тынк эзи-дизь кандо
14 Сон сынст эзи-нзе кандо
15 Минь тонь эзи-дизь кандо
16 Минь сонзэ эзи-нек кандо
17 Минь тынк эзи-дизь кандо
18 Минь сынст эзи-нек кандо
19 Тынь монь эзи-мик кандо
20 Тынь сонзэ эзи-нк кандо
21 Тынь минек эзи-мизь кандо
22 Тынь сынст эзи-нк кандо
23 Сынь монь эзи-мизь кандо
24 Сынь тонь эзи-дизь кандо
25 Сынь сонзэ эзи-зь кандо
26 Сынь минек эзи-мизь кандо
27 Сыньтынк эзи-дизь кандо
28 Сынь сынст эзи-зь кандо
51. ç Объект марто пингстамо.
Субъект + объект + теемань валонть формазо
1 Мон тонь кандытили-тинь
2 Мон сонзэ кандыли-я
3 Мон тынк кандыли-зь
4 Мон сынст кандыли-нь
5 Тон мон кандыли-мик
6 Тон сонзэ кандыли-к
7 Тон минек кандыли-мизь
8 Тон сынст кандыли-ть
9 Сон монь кандыли-мим
10 Сон тонь кандыли-нзеть
11 Сон сонзэ кандыли-зе
12 Сон минек кандыли-мизь
13 Сон тынк кандыли-дизь
14 Сон сынст кандыли-нзе
15 Минь тонь кандыли-дизь
16 Минь сонзэ кандыли-нек
17 Минь тынк кандыли-дизь
18 Минь сынст кандыли-нек
19 Тынь монь кандыли-мизь
20 Тынь сонзэ кандыли-нк
21 Тынь минек кандыли-мизь
22 Тынь сынст кандыли-нк
23 Сынь монь кандыли-мизь
24 Сынь тонь кандыли-дизь
25 Сынь сонзэ кандыли-зь
26 Сынь минек кандыли-мизь
27 Сыньтынк кандыли-дизь
28 Сынь сынст кандыли-зь
52. ç Сослагательной форма.
Субъект + объект + теемань валонть формазо
1 Мон тонь кандовли-тинь
2 Мон сонзэ кандовли-я
3 Мон тынк кандовли-дизь
4 Мон сынст кандовли-нь
5 Тон мон кандовли-мик
6 Тон сонзэ кандовли-к
7 Тон минек кандовли-мизь
8 Тон сынст кандовли-ть
9 Сон монь кандовли-мим
10 Сон тонь кандовли-нзеть
11 Сон сонзэ кандовли-зе
12 Сон минек кандовли-мизь
13 Сон тынк кандовли-дизь
14 Сон сынст кандовли-нзе
15 Минь тонь кандовли-дизь
16 Минь сонзэ кандовли-нек
17 Минь тынк кандовли-дизь
18 Минь сынст кандовли-нек
19 Тынь монь кандовли-мизь
20 Тынь сонзэ кандовли-нк
21 Тынь минек кандовли-мизь
22 Тынь сынст кандовли-нк
23 Сынь монь кандовли-мизь
24 Сынь тонь кандовли-дизь
25 Сынь сонзэ кандовли-зь
26 Сынь минек кандовли-мизь
27 Сыньтынк кандовли-дизь
28 Сынь сынст кандовли-зь
53. ç Отрицания марто пингстамо.
Субъект + объект + теемань валонть формазо
1 Мон тонь аволи-тинь кандо
2 Мон сонзэ аволи-я кандо
3 Мон тынк аволи-дизь кандо
4 Мон сынст аволи-нь кандо
5 Тон мон аволи-мик кандо
6 Тон сонзэ аволи-к кандо
7 Тон минек аволи-мизь кандо
8 Тон сынст аволи-ть кандо
9 Сон монь аволи-мим кандо
10 Сон тонь аволи-нзеть кандо
11 Сон сонзэ аволи-зе кандо
12 Сон минек аволи-мизь кандо
13 Сон тынк аволи-дизь кандо
14 Сон сынст аволи-нзе кандо
15 Минь тонь аволи-дизь кандо
16 Минь сонзэ аволи-нек кандо
17 Минь тынк аволи-дизь кандо
18 Минь сынст аволи-нек кандо
19 Тынь монь аволи-мизь кандо
20 Тынь сонзэ аволи-нк кандо
21 Тынь минек аволи-мизь кандо
22 Тынь сынст аволи-нк кандо
23 Сынь монь аволи-мизь кандо
24 Сынь тонь аволи-дизь кандо
25 Сынь сонзэ аволи-зь кандо
26 Сынь минек аволи-мизь кандо
27 Сыньтынк аволи-дизь кандо
28 Сынь сынст аволи-зь кандо
54. ç Ютась шка. Желательной форма.
Субъект + объект + теемань валонть формазо
1 Мон тонь кандыксэли-тинь
2 Мон сонзэ кандыксэли-я
3 Мон тынк кандыксэли-дизь
4 Мон сынст кандыксэли-нь
5 Тон монь кандыксэли-мик
6 Тон сонзэ кандыксэли-к
7 Тон минек кандыксэли-мизь
8 Тон сынст кандыксэли-ть
9 Сон монь кандыксэли-мим
10 Сон тонь кандыксэли-нзеть
11 Сон сонзэ кандыксэли-зе
12 Сон минек кандыксэли-мизь
13 Сон тынк кандыксэли-дизь
14 Сон сынст кандыксэли-нзе
15 Минь тонь кандыксэли-дизь
16 Минь сонзэ кандыксэли-нек
17 Минь тынк кандыксэли-дизь
18 Минь сынст кандыксэли-нек
19 Тынь монь кандыксэли-мизь
20 Тынь сонзэ кандыксэли-нк
21 Тынь минек кандыксэли-мизь
22 Тынь сынст кандыксэли-нк
23 Сынь монь кандыксэли-мизь
24 Сынь тонь кандыксэли-дизь
25 Сынь сонзэ кандыксэли-зь
26 Сынь минек кандыксэли-мизь
27 Сыньтынк кандыксэли-дизь
28 Сынь сынст кандыксэли-зь
55. ç Условной форма.
Сы шка.
Субъект + объект + теемань валонть формазо
1 Мон тонь кандындеря-та-н
2 Мон сонзэ кандындеря-са
3 Мон тынк кандындеря-та-дызь
4 Мон сынст кандындеря-сы-нь
5 Тон монь кандындеря-са-мак
6 Тон сонзэ кандындеря-са-к
7 Тон минек кандындеря-са-мизь
8 Тон сынст кандындеря-сы-ть
9 Сон монь кандындеря-са-мам
10 Сон тонь кандындеря-та-нзат
11 Сон сонзэ кандындеря-са-зо (кандындерясы)
12 Сон минек кандындеря-са-мизь
13 Сон тынк кандындеря-та-дызь
14 Сон сынст кандындеря-сы-нзе
15 Минь тонь кандындеря-та-дызь
16 Минь сонзэ кандындеря-сы-нек
17 Минь тынк кандындеря-та-дызь
18 Минь сынст кандындеря-сы-нек
19 Тынь монь кандындеря-са-мизь
20 Тынь сонзэ кандындеря-сы-нк
21 Тынь минек кандындеря-са-мизь
22 Тынь сынст кандындеря-сы-нк
23 Сынь монь кандындеря-са-мизь
24 Сынь тонь кандындеря-та-дызь
25 Сынь сонзэ кандындеря-сы-зь
26 Сынь минек кандындеря-са-мизь
27 Сыньтынк кандындеря-та-дызь
28 Сынь сынст кандындеря-сы-зь
56. ç Условно-сослогательной форма.
Ютась шка.
Субъект + объект + теемань валонть формазо
1 Мон тонь кандындерявли-тинь
2 Мон сонзэ кандындерявли-я
3 Мон тынк кандындерявли-дизь
4 Мон сынст кандындерявли-нь
5 Тон монь кандындерявли-мик
6 Тон сонзэ кандындерявли-к
7 Тон минек кандындерявли-мизь
8 Тон сынст кандындерявли-ть
9 Сон монь кандындерявли-мим
10 Сон тонь кандындерявли-нзеть
11 Сон сонзэ кандындерявли-зе
12 Сон минек кандындерявли-мизь
13 Сон тынк кандындерявли-дизь
14 Сон сынст кандындерявли-нзе
15 Минь тонь кандындерявли-дизь
16 Минь сонзэ кандындерявли-нек
17 Минь тынк кандындерявли-дизь
18 Минь сынст кандындерявли-нек
19 Тынь монь кандындерявли-мизь
20 Тынь сонзэ кандындерявли-нк
21 Тынь минек кандындерявли-мизь
22 Тынь сынст кандындерявли-нк
23 Сынь монь кандындерявли-мизь
24 Сынь тонь кандындерявли-дизь
25 Сынь сонзэ кандындерявли-зь
26 Сынь минек кандындерявли-мизь
27 Сыньтынк кандындерявли-дизь
28 Сынь сынст кандындерявли-зь
57. ç Наречият.
Эрзянь кельсэ улить истят валт, конат невтить, кода, косо,зярдо, мейс моли (мольсь, карми молеме) тевесь. Неть валтнэде мерить наречият.
Исяк мон ловнынь, течи сёрмадан.
Исяк ды течи валтнэ те вал велесэнть невтить, зярдо ульнесь тевесь.
Минь туинек мекев. Мекев валось тесэ невти, зярдо ульнесь тевесь.
Улить ламо истят нарчеият, конат полавтневить лем валтнэнь ды теемань валтнэнь ладсо.
Весе наречиятне чаркодемань кувалт явовить нилев (ниле группас).
1. Наречиянь васенце группась невти, кода тееви тевесь. Неть наречиятне пшкадить кода? кевкстемань каршо: састо, курок, ялго ды лият.
Наречиянь омбоце группась невти. Кона шкане эли зярдо тееви тевесь. Неть наречиятне пшкадить зярдо? ды зярс? кевкстемань каршо:
течи, ванды, мелят, кизна, чить, веть ды лият.
Наречиянь колмоце группась невти, косо эли, лиякс меремс, кодамо таркасо тееви тевесь. Неть наречиятне пшкадить косо? косто? козо? ков? кува? Кевкстемань каршо: удало, вере, ало, маласо, васоло, тосто. Тосо. Маласто, тува, тия, тов, удалов, малав ды лият.
Наречиянь нилеце группась невти, мейсь эли мезень кис тееви тевесь, лиякс меремс, невти тевень теемань тувталонть. Неть наречиятне пшкадить мейсь? мезекс? кевкстематнень каршо.
Тон берянь ялгат: секс мон тонеть а яксян.
Вал велесэ наречиятне свал аштить чаркодевтиця валокс.
Улить ламо истят наречият, конат теевить признаконь лем валсто. Сынь теевить вана кода: саемс эряви признаконь лем валонть ды педявтомс сонензэ истят петь: сто, стэ, сте-ён-сто, кувака-сто, нуркине-стэ, берянь-стэ, паросто (пар-сте).
Улить истят наречият, конат теевить теемань валсто. Теевить сынь истя. Саемс теемань вал инфинитив формасо ды мс пенть таркас путомс зь. Лиси теемань валсто теезь наречия.
Ёмамс - ёмазь.
Ёмазь ёмась ломанесь..
Тесэ ёмазь валось наречия. Истят наречиятне сеедьстэ молить признаконь лем валтнэнь ёнов. Явовить сынь вейке вейкедест кевкстемань кувалт. признаконь лем валтнэ пшкадить кодамо? кевкстемань каршо. Наречиятне пшкадить кода? кевкстемань каршо.
Сюронь урядамо шкане лаказь лаки колхозось.
Тесэ лаказь валось наречия. Сон пшкади кода? кевкстемань каршо. Сайтяно лия примерт. Эйкакшонть симдизь лакавтозь ловсодо. Те вал велесэнтть лакавтозь валось - признаконь лем вал. Сон пшкади кодамо? кевкстемань каршо.
Седе сеедьстэ вастневиця наречиятне:
1. зярдо-бути
2. зярдоя
3. сеедьстэ
4. чуросто
5. течи
6. сестэ
7. икеле
8. свал
9. исяк
10. ней
11. мейле
1. тосо
2. косо
3. ков
4. тестэ
5. тесэ
6. эрьва косо
7. тов
8. тей
1. истя
2. кода
3. стяко
4. пек
5. ансяк
58. ç Вал меелькст.
// Эйсэ, эйстэ, алдо, кувалт, башка ды лият петнень кондят валтнэде мерить вал меелькст.
Вал велесэ вал меелькстнэ ськамост зярдояк а эрсить. Сынь свал сюлмавозь кодамояк лем вал марто ды аштить свал лем валонть мейле. Секс меритькак неть валтнэнень вал меелькст.
Чаркодемань кувалт вал меельксэнь лем вал марто сюлмавомась невти:
1) тарка (те кудонть эйсэ сон умок эри);
2) шка (сёксень перть минь анокстынек скотинанень лембе кардаз);
3) тувтал (пачк варманть эйстэ кудось кардокс кельмесь);
4) тевенть тееманзо ды мезень кис сон теезь (сон тусь библиотекав книга мельга).
Лия примерт вал меелькс марто.
5) Сон а ваны монь лангс.
6) Школадо ды библиотекадо башка мон ковгак а якан.
7) Минь ламо кортынек сонзэ эйстэ.
Икеле минь маринек - вал меелькстнэ свал сюлмавозь кодамояк предметэнь лем вал марто. Вал меелькс марто сюлмавозь предметэнь лем валтнэ эрсить ансяк колмо поладкссо.
1. Именительной.
2. Родительной.
3. Отложительной.
Лия поладкс марто вал меелькстнэ зярдояк а сюлмавить.
Сайтяно примерт.
Сон сараз лангс мик кармась пижнеме.
Те вал велесэнть лангс валось - вал меелькс. Сон сюлмавозь сараз валонть марто. Лангс вал меельксэсь ашти именительной полдадкссо. Лангс вал меельксэсь веши тесэ васенце поладкс. Сайтяно лия пример.
Сон а ваныяк монь лангс.
Лангс валось тесэ таго вал меелькс. Сонзэ марто сюлмавозь монь валось. Монь валось ашти омбоце (родиельной) поладкссо. Лангс вал меельксэсь веши тесэ омбоце поладкс.
Сайтяно колмоце пример.
Бибилиотекадо башка течи мон ковгак а молян.
Башка валось тесэ вал меелькс. Сонзэ марто сюлмавозь библиотекадо валось. Бибилиотекадо валось ашти нилеце (отложительной) поладкссо. Башка вал меельксэсь свал веши нилеце поладкс.
Сех сеедьстэ вастневиця вал меелькстнэ:
эйсэ - «Киров» лемсэ колхозонть эйсэ ули вадря клуб.
эйстэ - МТС-эсь ашти ламбаське веленть эйстэ аволь васоло.
эзга - Кудонть эзга варма яки.
велькссэ - Сонзэ велькссэ сэнь менелесь.
велькска - Веленть велькска аэроплан ливтясь.
алдо - Лов алдо мезе-бути таргасть.
алга - Москов алга ветясть метрополитен.
кувалт (кувалма) - Минь ламо кортынек тонть кувалт.
коряс - Тонть коряс сон пек седе виев.
башка - Содензэ башка тень кияк а содасы.
пельде........
лангсо........
лангсто....
лангс........
ланга........
марто.......
ютксо.......
юткс.........
юткова.......
мельга........
трокс.........
перька.........
пачк...........
мейле..........
потсо..........
59. ç Кода сёрмадомс вал меелькстнэнь.
Вал меелькстнэнь свал эряви сёрмадомс башка се валонть эйстэ, кона марто сон сюлмавозь.
Примерт:
кудонть эйсэ
сёксень перть
варманть эйстэ
бибилиотекадо башка
сараз лангс
монь лангс
тонть марто
пандо юткова
кудонть эзга
лов алдо.
Вал меелькстнэнь ули сынсест чаркодемаст. Седе башка сынь эрьва кода полавтневить.
Сайтяно пример.
Вал меелькст лицянь пе марто.
1. эйсэнь + эйстэнь + эзган
2. эйсэть + эйстэть + эзганзо
3. эйсэнзэ + эйстэнзэ + эзгат
4. эйсэнек + эйстэнек + эзганок
5. эйсэнк + эйстэнк + эзганк
6. эйсэст + эйстэст + эзгаст
1. лангсон + лангсот + лангозон + ланган
2. лангсот + лангстот + лангозот + лангат
3. лангсонзо + лангстонзо + лангозонзо + ланганзо
4. лангсонок + лангстонок + лангозонок + ланганок
5. лангсонк + лангстонк + лангозонк + ланганк
6. лангсост + лангстост + лангозост + лангаст.
1. пельдень + мартон + алган
2. пельдеть + мартот + алгат
3. пельдензэ + мартонзо + алганзо
4. пельденек + мартонок + алганок
5. пельденк + мартонк + алганк
6. пельдест + мартост + алагст.
Конат-конат вал меелькстнэнень лицянь петне кодаяк а педявтовить. Неть вал меелькстнэ молить наречия ёнов.
Примерт:
башка, кувалт, трокс ды лият.
Сайтяно примерт.
Кудодо башка мезеяк арась.
Тесэ башка валось - вал меелькс. Сонзэ марто сюлмавозь кудодо валось, кона ашти нилеце (отложительной) поладкссо.
Ней сайтяно лия пример.
Сон умок эри башка.
Тесэ башка валось аволь вал меелькс. Тесэ сон наречия.
60. ç Союз.
// Эрзянь кельсэ улить истят валт, конатнень вельде сюлмавить вал велесэ валтнэ. Неть валтнэ - союзт. Лиясто неть союзтнэ сюлмить башка вал велетненьгак.
Сех сеедьстэ вастневиця союзтнэ истят:
1. ды. Колхозсо ламо машинат ды тракторт. Миша ды Гриша молить школав.
2. гак, як, как. Тонгак маштат сёрмадомо. мольть школав, седеяк парсте тонадат. А варштаткак лангозонзо.
Содак: гак, как, союзтнэнь сёрмадомс эряви вейсэ икелензэ аштиця валонть марто.
Тонгак, тонетьгак. Сеяк - ды лият.
Ды союзонть свал эряви сёрмадомс башка.
61. ç Ёжо валт.
// Неть валтнэде. Конат вал велесэ невтить кортыця ломаненть ёжонзо, мерить ёжо валт.
Вай, кода сизинь.
Вай валось лиясто невти кортыцянть вадря ёжонзо.
Вай, цёрам сась!
Тесэ вай валось невти кортыцянть кецямонзо.
Ёжо валтнэ невтить: кецямо, тандадомо, дивсеме, кенярдома ды лия ёдонзо кортыцянть.
Зярдо ёжо валось тешксты кортыцянть покш кецямонзо, тандадоманзо ды лия кодамоя ёжонзо, сестэ те ёжо валонть мейле эряви путомс сергедема тешкс.
Вай! Цёрам сась!
Эрзянь кельсэ улить ламо истят валт, конатнесэ кортыцясь ёвты эли невти эрьва кодат вайгелькст, конат теевить эли марявить эрьва тевень теемстэ:
жоль! торцк! тарцк! трёнк! клёцк! лыкшт! цяр! ды лият.
Неть валтнэде теевить теемань валт.
жольнемс
торцкадемс
тарцкадемс
трёнкадемс
клёцкадемс
цярадемс
лыкштядемс ды лият.
62. ç Кода сёрмадомс отрицаниятнень.
Эрзянь кельсэ улить вана кодат отрицаният: а, аволь, апак, эзь, арась.
Неть отрицаниятнень свал эряви сёрмадомс башка.
Сайтяно примерт.
А кудо, а мезе.
Аволь кудо, аволь мезе.
А раужо, аволь аружо.
А ёвтавикс.
А мон, а тон. Аволь мон, аволь тон.
А эряви, а молян.
Апак ёвта, апак мезе.
Эзь сока, эзь са.
Эряви содамс эщо вана мезе: аволь, апак, эзь ды арась отрицаниятне полавтневить шкань, лицянь ды числань кувалт (прингставить).
Сайтяно примерт.
Неень шка.
апакан + арася
апакт + арася
апактано + арасьтяно
апактадо + арась тядо
апакт + арасть.
Ютась шка.
аволинь + апаколинь + араселинь + эзинь
аволить + апаколить + араселить + эзить
аволь + апаколь + арасель + эзь
аволинек + апаколинек + араселинек + эзинек
аволиде + апаколиде + араселиде + эзиде
авольть + апакольть + арасельть + эзть.
Аволь ды эзь отрицаниятне пингставить эщо лиякс. Сынст улить объект марто пингстамонь формаст (вант седе икеле).
УПРАЖНЕНИЯТ.
4. ç (А моравикс вайгелькстнэнь чевте чист
тешкстамост).
1. Сёрмадомсто алга черькстамс тешкс марто валтнэнь.
Кода менелесь ванькстэяк ванькс янтарень кондямо, мода менеленть куншкасто обед шкане пиди чись, эжди масторонть ды ломатнень, сестэ аволь паро мельсэ аштят кевень кудосо, сестэ тошна ошсо эрямось, сестэ туевлить паксяв, пирев, лей лангов, косо пиже луга, пиже тарадт, косо варма кошт, косо менелеськак мазы ды чиськак седе чевтестэ эжди.
Истямо шкасто молевлить вирев ды вановлить, кода коткодавтнэ строить эстест кудо-пизэть, кода пиже понав сукстнэ каштордыть лопатнень потмова, вановлить ды кулсоновлить, кода эри-ашти виресь.
Истямо шкасто мельстэть а тукшны эрзянь велесь, косо шачить-касыть, косо ней самай моли покш робота - синдрить-яжить ташто велетнень, ташто эрямо койтнень, строить од веле, эрзя-мокшонь од веле.
(А. Дуняшкин. Чись лиссь.)
2. Сёрмадомс вал велеть неть валтнэнь марто.
а) Вирьга, эрьва, ськамон, каська, верьга.
б) Картне, парть, кортни, пургине, ломантне.
в) Сельме, ульнесть, кальть, кольни. Кельмельть.
г) Эрьке, эрьге, коське, перьгедсь, киське, ськамон.
5. ç (Гайниця а гайниця а моравикс
вайгелькстнэнь сёрмадомаст).
1. Сёрмадомс ды точкатнень таркас аравтомс эрявикс буква. Мейле башка-башка сёрмадомс неть валтнэнь истя, штобы а моравикс вайгельксэнть мельга молевель моравикс эли гайниця вайгелькс.
Ро...тне уш пря каясть. Сэрест Микадо а ламодо алкинеть. Вармась яхои ро...тнень эйсэ. Весе паксясь неяви пиже иневе...ькс. Чии Мика авадонзо икеле. Сови розь по..с, учосы аванзо. Ансяк пачкоди авазо сонзэ коряс, сон ки...чк - лиси розь по...сто: истя танда...тни аванзо. Таго напусти икелев. Пачко...сть ярвой паксяв. Муизь ума...ть. мика нейсь мазы немеля...т, кармась мельга...т чийнеме ды кун...семест. Кодат ансяк эзь кун...се.
(Чесноков, Озяз Мика).
3. Сёрмадомсто аравтомс менстезь букванть. Мейле башка-башка сёрмадомс валтнэнь истя, штобы а моравикс вайгельксэнть мельга молевель моравикс эли а моравикс гайниця вайгелькс.
1. Пурнавсь Мочим велес эйкакшонь площ...ка. аволь стака ульнесь площа...канть пурнамозо.
2. Кулаконь семиянь ава...не нолда...ть куля, бута эйкакштнэнь кирдить вачо ды чавить эйсэст. - Стря...кась ансяк сонсь тосо ярсы, продуктатнень эйсэ кан...тни кудов. Эйкакштнэнь ме...тькак а кады. Колхо...ницатне танда...сть. Эйкакшост пель...ть кан...тнемест ясляв.
3. Ме...ть ну...макалят. Батманов ялгай?
4. Ме...ть ансяк э...ть кенгеле площа...кадонть.
5. Комсомолонь бригадастонть ула...со сырга...ть ка...то крандаз лан...со комсомолецт эйкакшонь пурнамо.
6. Сырга...ть веленть кувалт. Серге...сть моро. Гайнить эйкакшонь вайгельтне веленть велькс...сэ. Эйкакшонь отрядось ло...кась. - «Ме...ть таго тосо?» - ран...стась удалдо.
(Н.Иркаев, Эйкакшонь яслят).
8. ç (Моравикс букватнень сёрмадомаст).
1. Менстезь букватнень таркас аравтодо э эли е букват.
Кулак ды батрак.
Атясь роботник...нз... марто кудов сыть тикше л...демст.... Сынь чоподь ёнов вирьга мольсть. Друк апак учн... каршост лиссь овто.
...зь кенере атясь варштамо, меркиз... сонз... овтось. Кармась эйс...нз... янгамо. Норови с...вем...нзэ. В...шни ансяк. Косто ушодомс. Пе сась атянт...нь.
- Тёпа, цёран...м, ёминь, ид...мак! - ...нялды атясь овтонть алдо. Сест... батракось, мез... вий лоштиз... овтонть прянь трокс узерьс...нть, керявсь овтонть пел... прязо, п...кенз...пачк ютась кшнинь сянгсь.
Овтось пек с...ргедевсь, рангставсь, с...ск кулозь прась.
Берянь таркась ней ютасьь. Атясь стясь ды сон жо батраконть лангс ургат...тсь.
Тёпа мик, таймаскадсь.
- Ашт...ка, мень кис?
- Мень кис, дурак. Мез...с керцить тон пел... пр...вс...ть? Пельгни сянгсонть ды п...льни! Пачк колык овтонь к...денть.
(И.А. Крыловонь коряс).
2. Полавтомс неть валтнэнь пест истя, штобы сынь отвечавольть: мейсэ? ды мейстэ? кевкстемань каршо.
Совет - -
Вий ÃÂ
Чи ÃÂ
Кедь ÃÂ
Пильге ÃÂ
Кизэ ÃÂ
Теле ÃÂ
Сёксь ÃÂ
Пиже ÃÂ
Якстере ÃÂ
9. ç (Вал веле).
Невтемс кевкстематнень, конатнень кувалт валтнэ сюлмавить эсь ютковаст эрьва вал велесэнть.
1. Лишметне ардсть парсте. Те шкасто вармась яла виемсь ды виемсь. Вишка пельнесь теевсь ашо покш пелекс. 2. Сельмень конямс чопода менелесь човаргадсь ловонь иневеденть марто. 3. Весь ульнесь тунь чопода ды давол. 4. Ловось яла прась. Кибитканть вакссо кепететсь лов шушмо. Лишметне аштесть прянь нолдазь ды шкань-шкань соркстнесть. Ямщикесь якась кибитканть перька. А мезень теемадо витнесь сбруенть эйсэ.
(Пушкинэнь коряс, Буря).
11. ç (Лоткамо тешкст вал веленть песэ).
1. Путнемс козо эряви точкат, кевкстема тешкст ды сергедема тешкст.
Минек советэнь Союзсонть капеталистт ды помещикть мезть решась Весесоюзонь советэнь VII съездэсь шумбра чи пролетариатонь вождентень - Сталинь ялгантень тон ульнить Весесоюзонь колхозник-ударникень омбоце съездсэнть колхозниктнэ анокстыть тундонь видема лангонтень минек фабрикатне ды заводтнэ кемекстыть СССР виензэ весе масторонь пролетарийтне, пурнаводо вейс зярдо ульнесь колхозник-ударникень омбоце съездэсь зярдо яволявтызь Мокшэрзянь АСС Республиканть минек советэнь масторонть пек вансты Якстере армиясь пролетариатонь столицантень - мастор лангонь сех паро метрополитен.
2. Сёрмадомс ды путнемс вал велетнень пес точкат, кевкстема тешкст ды сергедема тешкст.
а) Ярсамонь ки смелявксось ульнесь эрямо чинь сех покш мелявксокс Обломовкасо кодат вазт тосо андыльть иень праздниктненень кодат нармунть трясть-андсть кода пек мелявтыльть ды якильть мельгаст именинас ды лия покш читненень алтазь куркатненень ды ципакатненень андылезь пештень товдо, галатнень эзизь нолдтне якамо кирдилизь сынст мешоксо понгавтозь апак сыргсе зярыя чить праздникенть самодо икеле, штобы сынь вельтявольть куясо кодат запаст тейнесть эрьва мезень - пидезь, салтозь, панезь эрьва кодат брагат, позат теильть, кодат прякат панильть Обломовкасо.
(Гончаров, Обломовонь онозо).
б) Те ки истя тесэ, паксянь лей чиресэ кизэнь пси чинть ало чинь-чоп прянзо кали весе рунгось калявсь, прок каштомсо жарявсь копоресь те кинь - раужо, теке кшнинь косо панарозо косо понкст лангсонзо бакалажкась ве ёно, азё вешник... оно оршамозо теке - копоре ды пеке масторонь тюсонь азё содык, ки сон.
(Маршаконь коряс, Отряд.)
12. ç (Полежащей ды сказуемой.)
1. Муемс подлежащеенть ды сказуемоенть.
2 Шачсь Макар Чалган велес, Якутия масторсо. Ашти те велесь тайга куншкасо. Пек умок састь тезэ эрямо Макаронь покштянзо-бабанзо. Урядасть вирь куншкас кельмезь мода панксне. Прок лия масторонь салдатонь полк перькаст тайгась. Эзть тандадт атятне. Эзть новольть кедест-пильгест. Пирсесть модаст ланга пирявкскеть, стявтнесть пиреваст стогат-копанят. Прок шишкинеть кармасть мельсек-мельсек стякшномо кудынетне. Шкась яла юты. Кудотнень ютксо прянзо кепедизе церьковаськак. Теевсь Чалган велинесь покш велекс.
Ютыть читне-ветне. Стувтызь макаронь тятянзо-бабанзо эсест келенть, кадызь эсест оршамост-карсямост. Урьвакстнесь сынь якутонь тейтерь ланкс. Кармасть сынст кельсэ кортамо, сынст койсэ эрямо.
(В.Г. Короленко, Макаронь онозо).
2. Подлежащеенть алга черькстамс весть, сказуемоенть - кавксть.
2 Чизэ цяр обед. Пси - седе а ков. Варма ковол а маряви, натой опаня. Озязтнэ чувто прява кашт молить. Чавкаяк а неят. Саразтнэ пуль потмова леекшалесть. Кудотне аштить, прок матедевсть. Ломаньгак а неяви велесэнть: весе паксясот, нуить. Ансяк ксото-косто марят эйкакшонь вайгель. Эли юты сыре баба. Мейле таго а куш а каш. Эйкакштнэяк кашт молить. Весе масторось прок матедевсь.
(Ф.М. Чесноков, Тетяка левкс).
3. Аравтнемс тарказост менстезь подлежащейтнень, конат сёрмадозь упражнениянть песэ.
- Ялгат. - кортась Паволонь... ... - истят жо ломанть, кодат минь... а кармить чавомонок. Мезень кис чавомс? Сень кис, што... кандтано весеменень эрявикс правданть. Ведь те... сыненсткак эряви. Зярс сыненст... а чаркодеви, яла теке аволь васоло се..., зярдо... арыть рядс минек марто, зярдо... кармить молеме аволь грабителень ды ломань чавныцянь знамянть ало, ...кармить молеме минек оля чинь знамянть ало. Сень кис, штобу седе курок... чаркодевлизь минек правданть, миненек эряви молемс икелев. Икелев, ялгат! Яла икелев!
(М.Горький, Васень май).
Подлежащейтне: вайгелезэ, салдаттнэ, сынь, минь, правдась, те, шкась, сынь.
4. Аравтнемс менстезь сказуемойтнень, конат сёрмадозь упражнениянть песэ.
Эрьва косо... ломатне куцяс, сынь... Васень маенть праздновамодо. Эрямось..., те тундостонть сон весеменень... интересной, весеменень... мезе бути од: веенстнэнень - улезе мезень кис кежиявтнемс, сёвномс крамольниктнэнь, омбонстэнень мезень бути паро..., мезе бути лангс..., колмонстнэнень - сынст эйстэ... седе а ламо - мельс пароль содамс. Што те сынь - се виесь, кона весе...
(М. Горький, Васень май).
Сказуемойтне: пурнавильть, кортасть, кармась лакамо, ульнесь, кандыль, кемевтиль, ульнесть, кармавтызе сыргоземе.
13. ç (Чаркодевтиця валт).
1. Невтнемс: 1) Вал велень прявкс пельксэнть ды омбоць пельксэнть. 2) А келей вал велетнень ды келейтнень. Вал велень омбоць пелкстнэнень максомс кевкстемат.
Миколь сизесь. Тайгасо китне арасть. Течи чоп савсь якамс латкон-лутконь трокс, кандонь-кундонь торкс. Кузсь сэрей пандо пряс.васов перть пелев неяви. ков а варштат, яла вирь Тайганть прок пезэяк арась. Алкукскак, ютак те таркаванть пелеве ёнов сядо вайгельбельть - эрицят а вастат. Ютак вете сяд, тыща вайгельбеть - виренть пезэ яла а машты. Касыть чувттнэ сядонь-сядоньие ломанень узерень апак варшта. Пингест перть сынь сяворить, наксадыть. Кулозь чувтонть кияк рунгонзо а аткасы. Чурросто ансяк охотник эли овто эськельди троксканзо. Чизэ кармась чопотеме. Нусмакадсть чувттнэ. Кежейстэ ваныть ютковаст молиця ломатнень лангс.
(П.С. Глухов, Кедровой пешть).
3. Черькстамс ялга весть ветямо валтнэнь, кавксть - согласязь валтнэнь.
1. Вокзалсонть мольсь шум. Грохаесть сыця поездтнэ, паровозонь свистоктнэ вешксть - конат эчкстэ ды кежейстэ, конат човинестэ. Ломатне весе капшить, сынсь яла молить ды молить - песткак арась. 2. Петька шачсь-кассь ошсо, паксяв лиссь эрямонзо перть васенцеде. Тесэ весе сонензэ ульнесь од. Мезе икеле эзь нейне: тесэ неят пек васов. Виресь неяви прок тикшекс, менелеськак тесэ истямо ванькс ды келей, прок кудо прясто ванат. 3. Кистэнть вить ёнов ашти сильдеев поляна. Те полянась свал летькель, секс истя пижелдыльгак; ве песэнзэ, прок ёртозь, аштесть вишка кудынеть, теке налкшкень кудынеть. Пиже сэрей пандонть алга чудсь сиянь лейне.
(Л. Адреев, Петька дачасо).
14. ç (Пешксе ды а пешксе вал веле).
Те упражнениясонть сёрмадомс а пешксе вал велетнень. Невтемс вал велень кодамо пельксэсь арась сынст эйсэ.
1. Те вестэнть мон мадинь кияксос скамиканть ваксс, мейс бути кодаяк а матедеван. Аштинь-аштинь мадезь , эщо пильгемагак киневтетсь, симемамгак аламодо сась. кепедия прям - минек кудосонть, прок мацтсо, мезеяк а неят. 2. Мон кундсян эйсензэ кедте, кодаяк а понги. Авам монь эйсэ кедте кундси, кодая а поган. Кудосонть пек чоподаль, минськак тандадомань пачк мезеяк а нейдяно. Вачкодевинь косякс, авам пильгсэнзэ ведранть правтызе. Кияксонь келес ведесь валовсь. 3. А чаркодевияк тень. кода авам спицькатнень муинзе. Кирвастизе лампанть. 4. Ванса, видьстэ минек кекшентень чии кудыкельде Проска патям ве панарнэсэ, кедьсэнзэ скалка кирди.
(А.С. Неверов, Кода минек велесэ война ульнесь).
16. ç (Подлежащейтеме вал велеть).
Те упражнениястонть сёрмадомс подлежащейтеме вал велетнень.
Мон ванынь лангозонзо. чуросто савкшнось монень нейнемс шумбра ломань. сон ульнесь сэрей, келей лавтово... Ермолаень пельде ды лиятнень пельде мон сеедьстэ марсинь Бирюк вирь ваныденть, конань эстэ весе малава эриця ломатне пельсть, прок толдо. Сынст ёвтнемаст коряс, эщо арасель мастор лангсонть истямо дошуз: «Пенге кандст а максы саламс... Мейсэяк а саеви: а винасо, а ярмаксо, мезескак а маняви. Аволь весть уш паро ломатне сонзэ мастор лангстонть маштомонзо пурнасть-сэрнясть, ансяк арась - пря а максыª. Вана кода кортенсть Бирюкто шабра велень ломатне.
- Те истя тон Бирюкось, - меринь мон, - марсинь тондеть: кортыть, тон киньгак а менстят.
- Эсь должностем ветян, - пшкадсь сон кежейстэ, - бояронь кшинть стяко сэвемс а савкшны.
Сон таргизе карксонзо алдо узеренть, ландясь кияксонть лангс, кармась чевень лазномо.
- Паряк тонь козикат арась? - кевкстия сонзэ.
- Арась, - пшкадсь каршон, виевстэ аволдась узерьсэнть.
(Тургеневонь коряс, Бирюк).
17. ç (А явовикс ды явовикс вал велеть).
1. эрьва кавто эли колмо а явовикс вал велетнесэ теемс явовикс вал велеть. Косо лади вал велетнень сюлматынк союзсо.
1. Сергедсь пургине. Тусь пиземе. Колхозниктнэ роботыть вейсэнь вийсэ. Единоличниктнэ майсить башка-башка. Манейстэ варштась чись. Росась луганть лангсто кармась коськеме. Валске марто ульнесь пиземе. Обед ёнов чись манейгадсь.
2. Канды бурясь даволкс налкси. Вельтязь пельсэ менелесь. Веленть крайсэ кудынесэ циторды липни толнэсь (А. Лукьянов).
3. Жалакадсь школась пакшань вайгельсэ. Седеем лаки кенярдозь вийсэ (Я. Григошин).
4. Ютасть неть шкатне - стака иетне. Лиякс эрямо кармасть ломатне (Ильфек).
2. Те стихотварениясонть сёрмадомс явовикс вал велетнень.
Пиже вирне.
Пиже вирне, мазы вирне,
Мейс тон нусманят?
Мейс тон горнипов лопинеть
Лангстот певердят?
Мейс а морыть тонть нармунеть,
А морыть морот?
Чамсь ней потмо мазы вирне.
А вешки цёков.
Ков ней ютась мазы порась,
Сэтьме маней чись?
Вармась сезнезэ сезни лопат,
Валы пиземесь.
Маринь, тельня сокицятне
Арсить керямот.
Узереть, пилат уш човсить,
Эрявсь эрямот.
Кона-кона од пойтнеде
Сы ийс кадови.
Пек уж жаль, ней эчке тумось
Вирьсэ а ули.
А карми сон рацянясто
Тунда оршамо,
Од ломанть алот кармить
Гайгезь морамо.
Эрявсть весе эрямонзо,
Думонзо думавсть,
Зяро недля чить алонзо
Од ломанть ютавсть.
Пиже вирне. Мазы вирне,
Мейс тон нусманят?
Курок сы таго жой тундо,
Таго пургондат.
А керятадызьгак, вирне.
Таго тон оршат,
Од ломанень, седей, вирне,
Таго калавтат.
(А. Лукъянов).
3. Сёрмадомс те статьясонть явовикс вал велетнень.
Социализмась - те паро тев. Социализмань счастливой эрямось - содазь, пек паро тев. Но те ули эщо икеле пелев. Главной тевесь ней аволь сеньсэ, мезе минь добоватано икеле пелев, главной тевесь сеньсэ, мезе уш добовинек неень шкасто.
Крестьянствась чалгась колхозонь кинть лангс. Те пек паро. Но мезе сон добовась те кияванть молезь? Мезе минь добоинек содавикстэ колхозонь кияванть молезь?
Минь добовинек сень, што бедняконь миллиононь массатненень лездынек совамс колхозс. Минь добовинек сень. што колхозось совазь ды сех паро модань соказь-изазь ды производствань сех паро орудиянь лездавтозь миллион бедняконь массатне кепедевсть середняконь эрямо видьс. Минь добовинек сень, што миллион бедняконь массатне. Конат икеле эрясть вачонь-пешксе, ней колхозсо теевсть серелнякокс. Минь добовинек сень, што лоткавтынек крестьянстванть явовоманзо беднякокс ды кулакокс, порксынек кулкактнэнь ды лездынек бедняктнэнень теевемс сынст трудост ланксо азорокс колхозтнэсэ, лездынек тенст теевемс середнякокс.
(И. Сталин, 1933 иень февралень 19 чистэ колхозик-ударникень 1-це съездсэ речьстэнть).
18. ç (Валонть лувозо ды пезэ).
1. Явомс валонть лувонзо ды пензэ неть валтнэстэ, примерэнь коряс; лиш ме-нень, лиш ме-втеме, лиш ме-шка.
Виртнсеэ, колхозошка, фабрикатнень, паксясто, школанстетнекс, эйкакштнэнень, съездс, ошоксонть.
2. Явомс юронть, суффиксэнть ды петь неть валтнэстэ, примерэнь коряс; сёрма-лекшн-емс, робо-а-вл-инь.
Налксемс, налкшке, налксема, налксекшнынек; атяка, атякшонтень, атявтонь; коламс, колевель. Колсекшнэсь. Кольняй; роботы, роботник, роботыця, робочей, роботакшномс.
3. Неть валтнестэ теемс од валт. - кс, кш, ка, вт суффикс вельде.
Сур, сельме, ава, карь, пря, кедь, пуло, столь.
20. ç (Вейс путозь валт).
1. Теемс вейс путозь валт неть валтнэстэ, примерэнть коряс: коське кши - кошксе.
Тов, сюро, васодезь, пеель, сельме, ведь, розь, кши, покш, тетя, туво, левкс, каштомо, ланго, коське, кши, ведь, кев, кудо икелькс.
2. Киртязь валтнэнь сёрмадынк целанек, примерэнть коряс: ВЦИК - Весероссиянь Центрань Исполнительной Комитетэсь.
МТС, НКП, НКПТ; Коминтерн, профсоюз, совхоз, рабфак, селькор, вуз, комсомол.
22. ç (Предметэнть лем валт).
Те упражнениясто сёрмадомс предметэнь лем валтнэнь ды невтемс, кодамо поладкссо ды числасо аштить неть лем валтнэ.
Чопотетсь уш. Карпа сыргась кудов. Пачкодсь кудонзо малав. Прок каладозь кардыне ваны чиремезь кудозо. Кавто ёнганзо пичень паро кудот Сёма атянь ды Максим атянь. Секень вант, мерят, лепштясызь те кардыненть, сон пижыкады а апаро вайгельсэ. Умок уш новольсть стадатне. Ловтаня-якстере толсо палы пелеве ёнксось. Олговтомо лато прятне Карпань кардайсэ неявить, прок покш зверень ловажат.
Плетень лангсо каязь сезнезь шуба - сянсо а саеви. Ледсь мелезензэ тетязо. Сон ульнесь кежей. Чавнылизе авазо, прок сон ульнесь чумо нужасо эрямонь кис. Курок коськсь авазо - костизе вачо чись.
Весе пингензэ тетязо ютавтызе Сёма атянень роботазь. Кулось - калмамс а мейсэ ульнесь. Сэредемстэнзэ зяро вешсть Сёма атянь кедьстэ лишме больницяв - эзь макст.
Кемень иеть уш, кода кулось тетязо. Сёма атя нейгак прок тумо - ломанть тензэ сюронзояк урядасызь.
Ледсь мелезэнзэ полкось, фронтннэ. Тосо лиякс мольсь туремась, тесэ лиякс эряви туремс. Ськамот мезеяк а теят. Пурнавомс, пурнавомс вей седе. Ну, ды тесэяк изнясынек...
Совась кудос.
(Ф.М. Чесноков, Велесь явовсь).
23. ç (Предметэнь лем валтнэнь поладкстомаст).
1. Невтемс, кодамо поладкссо колхоз валось.
Минек велесэ организовавсь покш колхоз. Робочейтне пек мелявтыть колхозонь кис. Сынь кучить колхознэнь ламо тракторт ды велень хозяйствань машинат. Колхоздо башка улить ламо совхозт. Колхозсо весе роботыть вейсэ. Весе кулактнэнь панемс колхозсто! Ки совась колхозс, сенень эряви роботамс чеснасто, ударнасто. Мошэрзянь АСС Республикань велетне малав весе целанек теевсть колхозокс. Колхозошка паро роботамо башка хозяйставсо а эрси. Колхозтомо велень хозяйствась а кепедеви.
2. Икелень упражнениянть ладсо сёрмадодо ёвтнема, штобы тундо валось улезэ предложениясо весе кеменнест поладкстнэнь формасо.
3. Сёрмадомс ве столбикс апак невтть поладкстомань лем валтнэнь, омбоце столбикс - невтезь поладкстомань. Невтемс, кодамо числасо эрьва лем валось.
1. Зярдо авась лиссь ульцяв ды маризе, кода лажность ломанень вайгельтне, те шумось марявсь, прок мезе-бути учось; зярдо сон неизе народонть, кона вансь вальмава, аштесь куцянь-куця орта лангсо, - весе вансть сонзе цёранзо лангс ды Андрей лангс, - сонзэ сельмензэ прок тумансо вельтявсть. Сынст марто здоровакшность. Ёвтнесть шумбрат-парт - те ульнесь аволь кода свал эрси. 2. Павол эзь фатяяк, кода эцесь народонть юткс. Марявсь сонзэ вайгелезэ.
- Ялгат! Кортыть, мастор лангсонть эрить эрьва кодат народт - еврейть, немецть, англичант, татарт. Мон тень эйс а кеман. Улить ансяк кавто народт - сюпавт ды беднойть. Ломантне аволь вейкетьстэ оршнить, аволь ве кельсэ кортыть, - ванодояк кода сюпав французтнэ, англичантнэ теить робочей народонть марто, сестэ тынсь нейсынк, весе сынь робочеень туртов - алкуксонь башибузукт - кирга парест трокс ловажа!
Ки бути пейдезевсь.
- Лия ёндо варштатано, - нейсынек, рабочей французось, татарось, туркась истя жо кискакс эрить, кода миньгак, Россиянь робочей народось.
(М. Горький, Васень май).
24. ç (Предметэнь лем валонь орфография).
1. Сёрмадомс вейкень числань предметэнь лем валтнень ве столбикс, ламонь числансетнень омбоце столбикс. Лем валтнэнь пест алга черкстамс.
Пароходось Ростовонь портстонть нолаштозь нолаштсь. Букакс кавксть паразевсь ды тусь Дон леенть кувалт. Весе матростнэ арсесть таркаваст. Ки кузсь верев, ки парзь прась алов. Ве матрось кирди рулень чарынть. Капитанось биноклянзо марто арась икелев.
Састо Ростов ошось кармась кадовомо удалов. Кудотне васня неявсть сэрейсте, мейле кармасть алкалгадомо. Ростовось яла кадови удалов. Кудонетне прок педязь педясть модантень, а содавитькак. Чись кармась валгомо. Пувазевсь вармине. Пароходось кармась нурсевеме лавсекс. Волнатне оргодить пароходонть эйстэ берёков, лоштявить Дон чирентень, меке потазевить. Чополгадсь. Мачтанть прясо кирвазсь фонарь. Фонарень толось невтсь ки. дон чирева понгонсть каршонок велеть. Вальматнень эзга палыть толт. Велетнесэ а куш, а каш. Ансяк косто-косто онгозеви киска.
(Н. Иркаев, Кшнинь ломанть).
2. Сёрмадомс ламонь числасо предметэнь лем валтнэнь. апак невтть ды невтезь поладкстомань формасо, пример: пулт - пултт - пулттнэ.
Брат, тарад, салдат, чувто, портрет, тетрадь, пеште, теште кедь, болт, кровать, кардо, ундо, пондо, иневендь.
3. Сёрмадомс менстезь букватнень таркас аравтнеде т, тт эди дт.
Сэнь иневеденть чиресэ, Крымень пиже пан... нэнь ало ашти икелень инязоронь покш имениязо - Лавадия.
Мезе ансяк арасель те имениясонть: мазыдея мазыть а содавикс чув... , иневедень томбальксэнь цецят, питней виноградник... , фонтан... , эрьва кодат умарть-ягодат... , ансяк арасель нармунень ловсо.
Салда...нэ ульнесть кочкозь - весе виевть, шумбрат, ловкат. Андсть-симдсть ды оршасть эйсест парсте. Ялатеке эрямс ульнесь тошна ды стака. Стака ульнесь караулсо, кувать аштильть салава таркасо ды ваныльть биноклянь ды подзорной трубань пачк шоссенть, пан...нэнь, вир...нень, ве...нень лангс - паряк понги сельме икелев кодамояк аволь стяко якиця ломань, илязо каяв кияк иредьстэ «мастор-паз» инязоронть лангс.
(А. Серафомович, Кода сон кулось).
4. Сёрмадомсто менстезь букватнень таркас аравтомс нэ эли не.
1. Вокзалонть экшстэ появасть эйкакшт... , сынь молить колоннасо, рядонь ряд; сынь весе пельс оршазь, неявить пондарят сынсест нулат...нь потсо, прок кодат бути зверь левкст. 2. Сынст чамаст превейть, сельт... цитордыть; зярдо музыкась морась сынст вастомсто Гарибальдинь гимн, неть вачо ащтезь тыща чамат... мельс паросо пейдезевсть. Народось вастынзе неть ломант...нь шумбрат-парт ёвтамосо, музыкась гайсэ моры - эйкакшт...нь мик а ламодо талакадсть. 3. Отельт...нь вальмава, кудот...нь крыша ланга, прок ашо нармунть, лыйнить пацин... , эйкакшт...нь пряс верде певерить цецят... пиземе ладсо, весе весёласто сеерить.
Прок праздник.
Знамят... лыйнить, шляпат... , цецят... верев ливтить, покш ломант...нь пряст велькссэ кассть эйкакшонь вишка принеть, вишка кеднет... кундсить цецят...нь эйсэ - весе гайни, коштсонть а лотксить вайгельт... 4. Малав весе эйкакшт...нь сайнизь кедьс; сынь ойсест покшт...нь лавтов лангс, педясть покш уса марто ломант...нь келей мештезэст. Музыкась эли-эль маряви шумонть пачк, пейдемань, сееремань вайгельт...нь пачк.
Народонть юткова чийнить ават... , сынь сайнить эстест ве ёндонь эйкакшт...нь. 5. Киштезь ладсо моли Генуянь авась, сонзэ кедьс кундазь моли вакссонзо сисем иесэ ломан... чувтонь котасо, прясонзо серой шляпась пезнась кирьга видьс.
(М. Горький, Парма ошсо забастовка).
26. ç (Лицянь пе марто поладкстома).
Сёрмадомсто точкатнень таркас аравтомс лем валтнэнень ладиця лицянь петь.
СССР - ВЕСЕ МАСТОРОНЬ ПРОЛЕТАРИАТОНЬ УДАРНОЙ БРИГАДАЗО.
СССР-нь робочей классось - весе масторонь робочей классонть пельксэ... Минь изнинек аволь ансяк СССР-нь робочей классонть вийсэ, минь изнинек весе масторонь робочей классонь лездамон... кувалткак. Истя лездамовтомонть минек умок уш пупсевлимизь. Кортыть, минек масторон... ашти ударной бригадакс весе мастортнэнь пролетариато... туртов. Те парсте ёвтазь. Но те минек икелев аравты пек покш обязательстват. Мезень кис лезды миненек весе масторонь пролетариатось, мейсэ минь служинек истямо лездамонть? Сеньсэ, што минь васенцекс теинек робочеень власть, минь васенцекс карминек социализмань строямо. Сеньсэ, што минь тейдяно истямо тев, конась, туиндеряй парсте, велявтсы весе масторонть ды оляс менстьсы весе робочей классонть. Мезе эряви те тевенть парсте туема... кис? ликвидировамс минек удалов кадовозь чинек, кастомс строямонь большевикень темптнэнь. Миненек эряви молемс икелев истя, штобу весе масторонь робочей классось минек лангс ванозь меревель:
- Вана сон, монь икеле молиця отряд... , вана сон, монь ударной бригада... , вана сон, монь робочей власте... , вана сон, монь шачома мастор... , сынь теить сынсест тевест, минек тевен... , парсте, лездатано тенст капиталисттэнь каршо бороцямо ды кирвазтьсынек весе масторонь революциянь тевенть.
(И. Сталин).
27. ç (Признаконь лем валт).
1. Сёрмадомсто невтемс признаконь лем валтнэнь предметэнь лем валтнэнь марто вейсэ, конатнень марто сынь ладязь.
а) Вай пизек, пизек, кевень пиземе.
Вай пувак, пувак, толонь вармине.
Паряк калады чопода тюрьмась,
Паряк порксави чопода острогсь.
(Эрзянь народонь моро).
б) Вана Петька эри дачасо. Васень кавто читнесэ истямо ламо сон нейсь од, - сонзэ мик вишка ойминезэяк прок лепштявсь. Сон пельсь вирденть, кона шумась прянзо велькссэ ды ульнесь истямо чопода, прок пезэяк арась4 валдо полянатне истя мазыстэ пижелдсть, ульнесть истя веселат. Сынь прок моро морасть мазы цецяст эйсэ, - Петьканень пек вечкевсть сынь, сэнь менелесь тердсь сонстензэ ды пейдезь вансь прок вечкема авазо.
Петькань чамазо а лоткси пейдеме, сон састо, прок сыре атине, яксесь пиже виренть крайга, валдо леенть чирева. - Яки-яки - сизи, мейле мади пиже луганть лангс ды ваи потмозонзо, ансяк вишка судынезэ неяви пиже луганть потсто.
(Л. Андреев, Петька дачасо).
2. Сёрмадомсто тынсенк пельде аравтнеде предметэнь лем валтнэнень ладиця признаконь лем валт.
Васолдо, пек васолдо, чуди Обь леесь. Туркестанонь степнень маласто Пелеве ёнксонь эев океанонтень гуйкс таргавсь Сибирень трокс.
Бойкасто чуди Обь леесь, чов марто чави берёконтеньволнась, бута пеняци, мейсь сон урозокс эри, мейсь сонзе кизэ зярдояк а прядови.
Бороздить Обь леенть пароходт, сезнить чама киськензэ вишка венчт, черепаха ласдо уить эзганзо сюрдов-сярдов плотт, - сон яла чуди ды чуди... Кувака сонзэ кизэ, кувать, пек кувать нать а прядови.
(А. Дуняшкин, Обь леенть чиресэ).
29. ç (Ловомань лемть).
Сёрмадомс валсо весе числатнень вейкестэ саезьсядос.
30. ç (Ловомань лемтнень поладкстомат).
Сёрмадомсто цифратнень таркас сёрмадынк ловомань лемсэ весе числатнень.
« ... пятилеткань 4-це иензэ пестэ миненек удалась топавтемензэ весе промышленностень производствань программанть, кона ульнесь ловозь 5 иес, - 93,7 процентс; тень эйсэ весе промышленностень продукциянть объемозо кепедевсь 3-ксть седе пек войнадо икеле шканть коряс ды 2 раз седе пек 1928 иенть коряс. Стака промышленностень производстванть программанзо коряс минь топавтинек 5 иень планонть 108 процентс. Виде, минь тесэ эзинек топавте вясе пятилеткань программанть 6 проценттэ. Те истя лиссь вана мейсь: шабрань мастортнэ отказасть сёрмадомс мартонк войнасо а каявомань пакт. Васоло чи лисема ёнкссо ульнесть осложненият; секс миненек савсь зярыя заводт седе курок нолдамс оборонань тевс, неень шкань оборонантень орудиянь производствас.
(И. Сталин, Ниле иесь ютавтозь пятилетканть итогонзо промыленностьсэ).
32. ç (Лем полавтовкст).
1. Сёрмадомсто лем полавтовкстнэнь ваксс аравтынк скобкас неть предметэнь лем валтнэнь, конатнень таркас аштить лем полавтовкстнэ. Пример: Эзь оймавтов сон (Тишилим велесь) сыре сёксень якшамотнененьгак.
Эзь ойма икелень ладсо Тишилим велесь. Эзь оймавтов сон сыре сёксень якшамотнененьгак. Тишилимень беднотась кармась колхозонь пурнамо. Стявтызь коклацест кулактнэ. Сынь эщо виевельть. Кияк эщо эзизе сокардакшно кулактнэнь юрост. Нардестэ эщо кирдсть, сынст сардост ульнесть апак синдтре.
Малава велетнева ушодовсь колективизациясь. Тишилимесь эщо ансяк сыргсеме кармась. А ламольть тесэ ушодыцятне.
Эзь вечкев кулактнэнень Тишилим веле куншкасо ве кудыне. Аволь покшоль кудынесь. Яла теке сон сюпавтнэнь сельме икелев понгиль, кежть савтыль.
Эрясь тесэ Батаев Павол козиканзо марто. ульнесь Батаев партизанокс. Турсь сон Колчаконь, Деникенэнь бандатнень каршо. Ульнесь полконь командирэкс. Прядовсь ве туремась. Батаев кундась омбоце туремас. Сась велев. Кода эзизе яжакшно гражданской войнась Батаевонь, эзь яжав сон. Седеяк виевстэ кундась кулактнэнь каршо туреме, беднотань ве лув пурнамо.
(Ф.М. Чесноков, Вейкень таркас тыщат).
Сёрмадомс кемень предложеният, конатнесэ сон лем полавтовксось улевель весе кеменнест поладкстнэнь формасо (кода невтезь лем валтнэнь поладкстомсто).
2. Точкатнень таркас аравтомс смыслань коряс ладицят лем полавтовкст нетнень эйсэ, конат сёрмадозь упражнениянть песэ.
Лисинек... васоло ульцянтень, омбоце ульцясонть видьстэ... лангс колмо ломанть ласте ардыть. Ландинь а ламодо пирявксонть ваксс, штобу аволинь неяв, авам эзимем ней, чиезь тусь... икелев. Мон чииксэлинь мельганзо, те шкане кармасть ульцясонть леднеме ды яла... вакска. Монь мик... пря черень стясть. Кирдянь кедьсэнь... каша чугуннэнть... арсян: чавсамизь эли а чавсамизь? Ванса - ... чии минек коммунистэсь, Паволонь Иван - вайгелень кувалт содыя... , - ды видьсте салдатонь лангс, ... ласте ульнесь. кода грохадсь Иван ружиясонть, лишмесь удало пильгензэ лангс стясь ды кода лоштяви видьсте масторов, ... салдатось ваксканзо прась. Кирнявтынь мон троксканзо ды чиезь туинь ... ульцястонть. Чийнинь-чийнинь ... тинге пиретнева, ... а содан, ков эщо чиемс. Маряса - ульцяванть таго леднить, ... кудо кирвайсь. Ванан-ванан, бута аволь ... кудось а кеман: паряк минек. Озынь мон теск пиренть олго лангс ды карминь авардеме. Аволь ... кудось жаль ульнесь ..., - кадык палы кудось; авам мелезэнь ледсь; кундасызь салдаттнэ ды ледьсызь ружиясо, - кадован ... тетявтомо-ававтомо.
Сон, минь сонзэ, минек, мон, весемеде, эсь, мон, те, монсь, ки бути, сонсь, те, сонзэ, весе, се, монськак, монсь, кинь бути, эсенек, мон, тонть, минек.
(А.С. Неверов, Кода минек велесэ война ульнесь).
35. ç (Теемань валт).
Те упражнениястонть сёрмадомс ве столбинес васенце лицянь теемань валтнэнь, омбоци столбинес - омбоце лицянь, колмоце столбинес - колмоце лицянь.
Балда попонть каршо эзь споря, -
Мольсь-мольсь - икелензэ моря.
Озась балда, шкась пиземе, тарькс, -
Яла теке кармась понамо карькс.
Вана лись морясто сыре бесэсь,
Кевкстни: Мезе истя кирдят кедьсэть?
- Карман вана тесэ пиксэнь понсеме
Ды тынк, шайтянонь племанть, повсеме.
Сыре бесэсь прянзо комавтызе,
Ёнонзояк ёмавтызе:
- Ёвтык видьстэ, мейсь истя кежеть састь?
- Эли а содат, зярсь попнэнь долкот кассь?
Вана ансяк пинкстнэнь понсесынь,
Весе шайтянь левксэть повсесынь,
Тонськак, сыре шайтян, кармат содамо,
Попонть долконть а пандомазо кодамо.
- Ужо, Балда, лоткак пиксэнь понсеме
Ды шайтян левксэнь повсеме.
Пандса долком трёшникень пес,
Учок, лиси ведьстэнть вишка бес.
(Пушкинэнь коряс, Поп ды роботникезэ Балда).
36. ç (Объекттэме пингстамо).
1. Те упражнениястонть весе теемань валтнэнь сёрмадомс истямо таблицас, ладсемс сынст эрявикс клеткатнева
Неень шка + Ютась шка + Сы шка: ниркине форма; кувака форма
Сы шкань ниркине формань теемань валтнэнь сёрмадомс се валонть марто, кона невти сы шка.
КОДАТ ИТОГОНЗО НИЛЕ ИЕС ЮТАВТОЗЬ ПЯТИЛЕТКАНТЬ ПРОМЫШЛЕННОСТЬСЭ?
1. Кода минь изнинек те таркасонть? Эно, изнинек. Аволь ансяк изнинек, минь теинек пек седе ламо минсенек учоманок коряс, минек партиясонть сех ламонь учицятнень учомаст коряскак. Тень а сёпсызь мик минек врагтнэяк. Седеяк а кармить тень сёпомонзо минек паро ялганок.
Минек арасель металлургиянок. Кона ашти минек масторонть индустриализациянь основакс. Ней минек ули сон. Минек арасель тракторонь промышленностенек. Сон минек ней ули.
2. Минек ульнесь ансяк вейке ськамонзо текстилень промышленностень базанок - минек масторонь пелеве ёно. Минь теинек истя, што маласо шкастонть минек кармить улеме текстилень промышленностень кавто базанок - Куншка Азиясо ды Чи валгома ёнксонь Сибирьсэ.
(И. Сталин. ВКП(б) ЦК-нь ды ЦКК-нь пленумсо речесь 1933 иень январьстэ).
3. Сёрмадомс те упражнениянть истя, штобу Микань таркас ёвтнемс тонседеть, штобц Микань действиянь невтиця теемань валтнэ улевельть аволь 3-це лицянь формасо, штобу сынь улевельть 1-це лицянь формасо, примеркс Сыргозинь мон, панжинь сельмень.
Сыргозсь Мика, панжинзе сельмензэ. Лангсонзо тикшеть. Эжди эйсэнзэ чись. Ванкшны кавто ёнов, а чаркоди, кода истя сон понгсь вирев, мейсь сон тесэ. Учось сон пси модарькат рошксе марто. ней вакссонзо кияк арась. Варшты тей, варшты тов - меньгак ломань а неяви. кашт моли виресь. Меньгак варма арась. цимболы чинть каршо весе лангозо. Мазысэ неявсь Миканень те карксось. Васня Мика педиксэль авардеме, ней авардеманзояк стувтызе. Кармась гуенть эйсэ токшеме. Сон чараксомс. Мика кундызе пулодо. Гуесь мендевсь сонзэ ёнов, лоштизе чама ланга.
(Ф.М. Чесноков, Озяз Мика).
3. Сёрмадомс ве столбинес 1-це лицянь теемань валтнэнь, омбоце столбинес - 2-це лицянь, колмоцес - 3-це лицянь (вейкень ды ламонь числасо).
ТЕЛЕНЬ ЧОКШНЕ.
Канды бурясь даулкс налкси,
Вельтязь пельсэ менельксэсь,
Веленть крайсэ кудынесэ
Цивторды липни толнэсь.
Телень бурясь сувтнезь сувтни,
Вальмало вармась вешки.
Зоря тештекс липни толось,
Аксяло каткась мурны.
Кудынесэнть пряха экшсэ
Нувси сыре бабине.
Думазь ашти эзем крайсэ
Умарь чама цёрыне.
- Эйднем, мадтя, - корты бабась, -
Валске пачалгсеть панян.
Сумказот, левкскем, тенть школав
Лембе пачакат путан.
Цёранть а мельс кортамотне,
Мезе бути сёрмады.
- Бабай, кулсонок ловноса,
Мезть монь седеем корты:
«Кудыненек веленть крайсэ,
Буря эль-эль валясы.
Кудынесэнть моры пряха.
Ки сонзэ ней марясы?
Цийни бурясь вальмалонок,
Шайтянкс моронзо моры,
Чикор-лагор пряхасозо
Бабам мушкине штерди.
Ки чумо, бабай, мекс истя
Беднойстэ минь эрятан?
Ки чумось, мекс кардазсонок
Скотина минь а кирдтян?ª
Бабась укстась кувакасто,
Сельмстэнзэ тусть бисёрнэть.
Арсесь толковамс нуцьканстэнь,
Ансяк мерсь лембе валнэть:
- Ужо, цёрам, касат-теят,
Кармат тонсь чаркодеме, -
Мекс беднойть, сюпавт масторсонть
Кармасть, эйднем, улеме.
Ней, левкскем, адя мадтяно,
Валске пачакат панян.
Каштом лангсо, кожок крайсэ
Эсь прядон ёвкске ёвтан.
Канды бурясь пакшакас ранги,
Вальмало ломанькс стуки.
Липни толось кудынесэ
Зоря тештекс кивтёлды.
(А. Лукъянов).
4. Сёрмадомсто точкатнень таркс путодо эрявикс петь теемань валтнэнень (неень шкань, 3-це лицянь. Вейкень ды ламонь числань).
БУРЕВЕСТНИК.
Пурн... вармась вельтнень эйсэ,
Иневеденть велькссэ увн...
Пельтнень марто веденть ютксо
Ёндолкс ливтн... буревестник.
Вант, лапазо волнас ток...,
Друк сон налкс ливтн... пельтненень,
Сон пижн..., пельтне марясызь
Смел нармуненть вайгелензэ.
Те вайгелесь учи буря,
Те вайгельстэнть пельтне мар...,
Кода кежев, виев, мелев
Ды кода кем... изнямос.
Кувс... чайкат, - мар... бурянть,-
Кувс..., ливтн...мведенть велькска,
Потмаксос анокт кекшеме
Бурянть эйстэ эсь соронмаст.
Гагар намунтнеяк кувс..., -
Сыненст, гагартнэнень, а сав...
Кенярдозь ваномс туреманть:
Пурьгенеденть сынь тандал...
Чаво колган - пингвин сорн...,
Кекш... кев потс куя рунгозо
Ансяк каштан буревестник
Човдонть тюжа веденть велькска
Ливтн... смелстэ, апак пеле.
Яла нусмака... пельтне,
Иневденть вельксэс валг...,
Пурьгинентень верев куз...
(М. Горький, Буревестник).
48. ç (Объект марто пингстамо).
Те стихотварениясонть сёрмадынк объектэнь пе марто теемань валтнэнь, аравтодо сыненст ладиця лем полавтовкст.
Пример: судизь: (сынь - сонзэ), рамаса (мон - сонзэ).
1. Урозконь ведь ведьгев кирдиль
Ерма Унжа лейсэ.
Судизь миемс ведь ведьгевенть.
Лия ламо ломань ютксо
Ермаяк мольсь рамамонзо.
2. Прянзо купець кепедизе.
- Мон рамаса ведь ведьгевенть.
- Аволь! - меревсь Ерма.
Мольсь малав председательнень
Ды кевкстизе:
- Кодаяк тынь пель часошка
А учосамизь монь?
- Мезе теят пель часонь перть?
- Ярмакт кандан.
- Косто сайсыть? А превсэть, Ерма, тон.
Вайгельбеть ниленьгеменьшка
Улить ведьгевев, часонь шкас
Ведгевенть яла мисынек.
- Пель часонть эчо учосынк?
- Часкак учотано.
3. Мольсь Ерма найман куншкантень,
Вандано, кузсь крандазонть лангс,
Сюкунясь ниле пелев сон
Ды виевстэ рангстась:
- Вай, ломанть, ломанть,
Парт ломанть.
Илядо рангт, кулсономизь,
Мон вал тыненк мерян.
Сэтьмелгадсь весе найманось.
Ерма тевензэ ёвтнизе:
- Умок купець алтынников
Рамиксэлизе ведьгевенть,
Ды мон монськак эзинь учо,
А весть, а кавксть якинь ошов,
Ошсо мерсть: « Переторжкасо
Миемензэ кармить».
4. Пандсызь весе сы пацясто.
А панян мон ведьгевенть кис,
Обидимизь монь пек.
Бути Ермань тынь содасынк,
Бути Ерманень кемдядо,
Идемезь эно монь.
Чудат, диват лиссть наймансо:
Весе найманонь келесэ
Эрьва коната сокицянть
Сумань-шубань керш полонзо
Бута варма кепедизе.
(Н.А. Некрасов, Гиринь Ерма).
57. ç (Наречият).
Сёрмадомсто алга черькстамс наречиятнень. Вельксэзэст сёрмадомс кевкстематнень, конатнень каршо сынь отвечить.
Зярс? Пример: Ульцяванть кувать Ли-Чан, Китаень пайстомо кули.
ЛЕНИНДЭ ДЫ ЛИ-ЧАНДО.
1. Пекинсэ пек ламо масторонь ломанть,
Пек ламо ульцят тосо улить.
Ульцяванть кувать якась Ли-Чан,
Китаень пайстомо кули.
Мейле тусь паксяв. Кежеель ванстыцясь:
Чи а ютыль апак чавно Ли-Чанонь.
Се шкастонть, зярдо Ли-Чан паксяв сась,
Копоресь ульнесь прок путкотезь рана.
Паксяв, косо тантей чине чай,
Лембе варма чевтестэ пувась,
Ютыця ломань а мельсэ паксяс
Газет панкске вишкине ёмавтсь.
Ды вейке робочей чавозь. Сэредиця
Ловнось, што мастор вейки ули,
Косо оляс менезень масторонть ветицякс
Аволь мандаринат аштить, - кули.
2. Олясотнень покшост рисовазь ульнесь,
Лемезэ сёрмадозель: Ленин.
3. Ды вансть сынь сормсевезь коневонть лангс
Превейстэ ваныця сельметнес.
Лошнематнень стувтызь, кувать сынь ванность.
Эрьва кодат арсемат састь мельтнес.
(Исбах).
58. ç (Вал меелькст).
Сёрмадомсто менстезь вал меелькстнэнь аравтнемс таркаваст, козо сынь ладить. Вал меелькстнэ сёрмадозь статьянть песэ.
ВЕЛЕНЬ СОВЕТТЭНЬ РОБОТАДОСТ.
Велень советэсь - те властень сех версе аштиця органось велесэ. Велень советэнть пурнакшносызь теке велень трудицятне.
Тень... велень советэсь явови буржуазиянь масторнь властень...
Вельсоветэнь председателентень эряви улемс аволь ансяк администраторокс. Сонензэ эряви велесэ тевенть истя аравтомс, штобу илязо сав ки... пижнемс ды киньгак а лепштямс.
Паро председателентень а савияк истя тейнемс. сон весе тевтнень ютавтсынзе трудицятнень сознательностест... , сонензэ лезды активесь.
Вельсоветэнь председателентень эряви пек мелявтомс колхозтнэ... Кадык сон вети руководства колхозтнэнь весе роботаст...
Колхозтнэ - вельсоветтнэнь главной предприятияст. Седе пек важной тевензэ вельсоветэнть арасть колхозонь тевтнень... Вельсоветэнтень эряви мелявтомс крестьянтнэнь кудосонь эрямо нужаст... Ламо лезэ теи вельсоветэсь колхозниктнэнь...
Минек советэнь органицазиятнень... ашти эщо вейке пек покш задача. Сыненст эряви лездамс крестьянтнэнь..., штобу крестьянтнэ штобу крестьянтнэ седе пек кармасть роботамо машинасо.
Велень хозяйстванть... эрьва иестэ машинатне яла ламолгадыть. Сыть яла седе сложной машинат. Секс пек эряви тонавтомс ломантнень машинасо роботамо.
(М.И. Калинкинэнь коряс).
(эйсэ, эйстэ, лангскак, коряс, кис, лангсо, коряс, кис, туртов, кисэнзэ, лангсо, коряс, кувалт, икеле, эйсэ).
60. ç (Союзт).
Сёрмадомсто алга черькстынк союзтнэнь; рединк, конат сынст эйстэ сёрмадовить валонть марто вейс, конат - башка.
1. Зярдо сон шачсь, кить ульнесть тетянзо-аванзо - Таянов а соды. А соды сон седеяк, кода понгсь Полтава ошонь эйкакшонь кудос, конань эйстэ ушодови сонзэ мельсэ аштема эрямонь кизэ. Ки соды, паряк шачськак сон тозо, паряк фамилиянтькак, тетя лементькак максызь тензэ тосо. Но весе тень каршо корты вейке тев. Таяновонь ней малав комсь комсь вейкее иензэ. Бути 1934 иень цифранть эйстэ саемс цифра 21, сестэ кадовить ансяк 1913 иеть, сестэ Полтавасо эйкакшонь кудосонть эрясь эщо вейке купец. Кода ды кодамо ладсо ушодовсь эрямозо, теде Таянов те шкас а соды, ды, эряви меремс, арсекшнеськак сонзэ кувалма пек а ламо, истяк бути, ансяк тев аразде. 2. Уш кеменце чи юты, кода сынь ки лангсот. Ташкентэсь эщо васоло. Течи пачкодсть ансяк Харьковов.
2. Бути эйкакшонь кудосонть эрьва чистэ эрсиль модарькань каша, ней теяк арась. Прак ды кулок вачо. Вешемскак а мезе, саламскак а мезе. аштить ниленест уголс кирмицязь ды ванныть перть пельга, прок вергиз левкст - нулавт-валавт. Весе, мезе ульнесь лангсост эйкакшонь кудосто. Сэвевсь ки лангсо.
(Петра Эрьке (Кириллов), Сырнень шка).
62. ç (Отрицаният).
1. Сёрмадынк те ёвтнеманть ды козо лади путнеде кодат эрявить отрицаният истя, штобу ёвтнемась улевезь ладсезь толковойстэ. Отрицаниятнень алга черькстынк.
Пример: Эзь са эщо тундось. Читне аволь лембеть...
Сась тундо. Читне лембеть. Пуви лембе вармине. Паксясо лугасо тветить мазы цецят. Виртне оршавсть пиже лопасо. Садтнэ кармасть тветямо, ашосо оршавить. Лейтне лиссть эенть алдо. Сиякс циторды чинть каршо ведесь. Скотинатне олява якить, ули тенст паксясонть пиже тикше коромокс. Нармунтне састь лембе масторсто, кармасть эстест пизэнь теема.
2. Сёрмадомсто муинк отрицаниятнень ды ёвтынк, кодамо формасо аштить теемань валтнэ отрицания марто.
Ней а твети
Садось сиянь ловокс,
Прыть прястонзо
Сырнень горниповт.
Иля чольне,
Моро, горниповокс,
Минек эйсэ
Палыть лия толт.
Кадык чись
Эсь лисе ней кольнеме,
Кадык цецясь
Экшенть эйстэ коськсь.
Рунгось ней
А соды новолема.
Минек шкась
А соды меньгак сёксь.
(А. Зиньков, Эзь ойма бороцямось).
Yhteystiedot Jack Rueter: etunimi.sukunimi(åt)helsinki.fi .